Батыс Қазақстан облысы 18 дана мүйіздер тәркіленді

«Охотзоопром» ӨБ» РМҚК: «Құқық қорғау органдары мен «Охотзоопром» ӨБ» РМҚК инспекторлары бірлесіп жүргізген рейдтік іс-шаралар барысында Жаңақала ауылдық округіне қарасты Қарашеген қыстауынан 1981 жылғы тұрғыннан тінту барысында 18 дана киік мүйізі табылып, тәркіленді. Қазіргі кезде ҚР ҚК 339-бабы 1-1-бөлігіне сәйкес қылмыстық іс қозғалып, тергеу амалдары жүргізілуде. Аталмыш бап бойынша айыпты деп танылған адам мүлкін тәркілеумен бірге 12 жылға дейін бас бостандығынан айырылуы мүмкін», – деп хабарлайды.