Халықаралық «Qazaqstan dauiri» газеті мен республикалық «Мөлдір бұлақ» балалар журналының Бас директоры, «ЕлАна» қоғамдық, танымдық, әлеуметтік, ақпараттық сайтының Бас редакторы, ұстаз һәм журналист Сәуле Мешітбайқызы Ақтөбе облысына «Ел аманаты: Ауыл – ел бесігі» атты дәстүрлі экспедицияны бастап келді.
Сәуле апай «АMANAT» партиясының облыстық филиалының атқарушысы хатшысы Ербол Данағұлов мырзамен кездесіп, содан соң Алға ауданындағы Есет батыр мемориалды кешеніне барды, Бестамақтағы бірқатар нысандардың жұмысымен танысты. Өңірдегі «Ауыл – ел бесігі», «Ауыл аманаты» жобаларының жүзеге асырылуымен танысты. Ал ұшаққа мінердің алдында уақыт тауып, «Айсын» радиожурналистика мектебінің оқушыларымен кездесіп үлгерді. Балалармен сөйлескен Сәуле Мешітбайқызы болашақта журналист боламыз деген балалармен бірге жұмыс істеуге дайын екендігін, ақтөбелік оқушылар арасында байқау өткізетіндігін айтты.
