Марокко елінде бокстан өтіп жатқан «GOLDEN BELT SERIES MARRAKESH 2023» («Алтын белбеу») халықаралық турнирінде Қазақстанның әйелдер құрамасы 5 алтын, 2 күміс және 3 қола медаль жеңіп алды.
Чемпион атанғандар: 48 келі салмақта Алуа Балқыбекова финалда тайпейлік Лью Чен-Лингті; 57 келіде Карина Ибрагимова ресейлік Людмила Воронцованы; 54 келіде Жайна Шекербекова италиялық Алеан Савчукты; 50 келіде Назым Қызайбай ресейлік Екатерина Пальцеваны; 75 келіде Валентина Хальзова бразилиялық Вивиане Пирейраны жеңді. Күміс медаль алған спортшыларымыз: Аида Әбікеева (63 кг); Ләззат Күнгейбаева (+81 кг).
Қола жүлде иеленгендер: Надежда Рябец (66 кг), Мадина Нұршаева (70 кг) және Фариза Шолтай (81 кг). Марракештегі турнирде Қазақстан атынан барлығы 12 боксшы өнер көрсетті. Медальсіз қалған спортшылар: Жазира Орақбаева (52 кг) мен Владислава Кухта (60 кг) ғана.
