Жозеп Боррель Түркиядағы жер сілкіністеріне байланысты қайғысын білдірді.
Еуропа Одағы сыртқы істер және қауіпсіздік саясаты жөніндегі жоғарғы өкілі Жозеп Боррель Түркиядағы жер сілкіністеріне байланысты қайғысын білдіріп, Сыртқы істер министрі Мевлүт Чавушоғлумен байланыста болғандарын және Еуроодақ елдері ретінде қолдарынан келгенін жасап жатқандарын айтты.
Боррель Бельгияның астанасы Брюссельде түрік журналистеріне мәлімдеме жасады.
6 ақпанда эпицентрі Кахраманмарашта болған 7,7 және 7,6 балдық жер сілкінісінде қаза тапқандарға көңіл айтқан Боррель «Мен жер сілкінісі үшін қатты қайғырдым. Бұл үлкен трагедия. Мен досым (Сыртқы істер министрі) Мевлүт Чавушоғлумен хабарласып тұрмын. Қолымыздан келгенше іздеу-құтқару топтары және медициналық құралдар сияқты көмектерді жіберіп жатырмыз. Еуропа Одағына мүше барлық елдер талпыныс көрсетуде» деген сөздер қолданды.
Боррель екіжақты қарым-қатынастарды бағалай отырып, «Түркия мен Еуропа Одағының қарым-қатынастары өте маңызды» деп көрсетті.
Түркияның Шығыс Жерорта теңізі, Ливия, Кавказ және Украина сияқты күрделі аймақтың орталығында екенін еске салған Боррель Түркияның маңызды актер екенін және Қаратеңіз астық келісімінде маңызды рөл атқаратынын айтты.
