«Даму» қоры тәртіпсіздіктерден зардап шеккен шағын және орта бизнес нысандарына қандай көмек ұсына алатынын мәлім етті, Президент Қасым-Жомарт Тоқаевтың 6 қаңтардағы тапсырмасы бойынша, ҚР Қаржы нарығын реттеу және дамыту агенттігі мен Ұлттық экономика министрлігі тәртіпсіздіктерден зардап шеккен шағын және орта бизнес субъектілеріне мемлекеттік қолдау көрсету бойынша шаралар әзірледі. Соның аясында Төтенше жағдай кезеңінде зардап шеккен жеке және заңды тұлғалардың қарыз төлемдерін кейінге қалдыру тәртібі бекітіліп отыр. Қордың бапсасөз қызметі: «Еліміздегі «Бизнестің жол картасы-2025» мемлекеттік бағдарламасы аясында субсидиялау және кепілдік беру құралдары бойынша жобаларды қайта құрылымдау кәсіпкерлердің қаржы-шаруашылық қызметін талдаусыз бір жұмыс күні ішінде мақұлдаудан өтеді. Осы уақыт ішінде өтінім құжаттары жиналып, қайта құрылымдау шарттары мақұлданып, банктерге хат жіберіледі. 20 млн теңгеге дейінгі шағын несиелердің құжаттары кредиттің мерзімін ұзарту қажет болса және кепілдік мерзімін ұзарту керек болса ғана қордың мақұлдауына жіберіледі. Қордың өңірлік филиалдарындағы менеджерлер екінші деңгейдегі банктер мен қаржы ұйымдарында несие рәмідеп жатқан кәсіпкерлерге online.damu.kz және egov.kz электрондық порталдары арқылы кешенді қолдау көрсетеді», – деп жазады.
