Дариға Назарбаева мәжілістен кететінін мәлімдеді

    Дариға Назарбаева үндеу жариялап, онда: «Бүгін Мәжіліс депутаты өкілеттігін тоқтату туралы шешім қабылдадым және толығымен қоғамдық, гуманитарлық, мәдени және қайырымдылық қызметке ден қоюды ұйғардым. Өз тарапымнан Nur Otan партиясына дауыс берген қазақстандықтарға, партияластарыма және өзіме сенім артқан ел басшылығына алғысымды айтамын.  Қайғылы қаңтар оқиғасы бейбітшілік пен Қазақстан халқының бірлігі болмаса, еліміз гүлденіп, одан әрі дамымайтынын көрсетті. Болған оқиғаның бәрі – біздің халқымыз үшін ауыр трагедия. Болған оқиғаға жан-жақты және объективті тергеу жүргізу қажет деп есептеймін, соның нәтижесінде кінәлілер әділ жазаға тартылып, кінәсіз адамдар босатылуы керек»,— деді.