Талас ауданының 95 жылдығына орай қоғам қайраткері, Қазақстанның еңбек сіңірген мәдениет қызметкері, журналист Баттал Жаңабайұлының жүлдесі үшін бұқаралық ақпарат құралдары қызметкерлері арасында бильярдтан дәстүрлі турнир басталды.
Талас ауданының әкімі, майталман журналистер және осы салада қалам тербеп жүрген мамандар Баттал Жаңабайұлының шаңырағына барып, абыз ақсақалдың ізгі тілегін тыңдап, ақ батасын алды.
Айта кетейік, осымен екінші рет ұйымдастырылған тастаяқтан турнирде республикалық және жергілікті бұқаралық ақпарат құралдарының өкілдері бақ сынауда.
