Е.А. Бөкетов атындағы Қарағанды университетінде студенттік өзін-өзі басқару органдарының аймақтық форумы өтті.
Форумның мақсаты-студенттік ортаның өзекті мәселелерін талқылау және белсенділер қауымдастығын біріктіру.
Іс-шараға Қарағанды облысының 9 жоғары оқу орнының студенттік өзін-өзі басқару және тәрбие жұмысы органдарының көшбасшылары қатысты.
Форум барысында «Қоғамдық сананы трансформациялау жағдайындағы мемлекеттің жастар саясаты», «Студенттік ортада кәсіпкерлік дағдыларды дамыту», «Жастардың сыбайлас жемқорлыққа қарсы сана - сезімін қалыптастыру: студенттік қоғамдастықтың рөлі» тақырыптық семинар-тренингтері, World Cafе форматындағы тренингтер, сондай-ақ шешендік өнер бойынша тренинг өтті.
Жабылу салтанатынан кейін Университеттердің студенттік өзін-өзі басқару органдарының басшылары үшін университет кампусы бойынша экскурсия өткізілді: «Jastar Ortalygy» коворкинг орталығына, «Аюлы» спорт кешеніне және ҚарУ студенттік емханасы таңыстырылды.
