Ұлттық статистика бюросының мәліметінше, 2022 жылғы қаңтар-сәуірде халықтың табиғи өсімі 2021 жылғы осы кезеңмен салыстырғанда (88 мың адам) 9,8% кем болған.
2021 жылғы 1 мамырмен салыстырғанда Қазақстанда халық саны 236,9 мың адамға өсті. Бұл туралы Стратегиялық жоспарлау және реформалар агенттігінің Ұлттық статистика бюросы мәлім етті деп хабарлайды «Ulysmedia.kz».
«2022 жылғы 1 мамырға еліміздегі халық саны 19 199,8 мың адам болды. Оның ішінде қалалықтар – 11 442,9 мың (59,6%), ауылдықтар – 7 756,9 мың адам (40,4%). 2021 жылғы 1 мамырмен салыстырғанда, халық саны 236,9 мың адамға немесе 1,2% көбейді», – делінген хабарламада.
Ұлттық статистика бюросының мәліметінше, 2022 жылғы қаңтар-сәуірде халықтың табиғи өсімі 2021 жылғы осы кезеңмен салыстырғанда (88 мың адам) 9,8% кеміп, 79,3 мың адам болды.
