Жыл сайын елімізде қыркүйек айының соңғы жексенбісінде Еңбек күні атап өтіледі. Бұл мереке алғаш рет 2013 жылдан бастап тойлана бастады.
Елімізде игі дәстүр қалыптасып, бұл күнді еңбек ұжымында да, отбасында да атап өтіп келеміз. Отандастарымыздың елдің әл-ауқаты мен өркендеуі жолында талмай еңбек етуі еңбекке деген ерекше құрметінің белгісі. Бұл күн нағыз еңбектің бағасын білетін, нәтижесімен мақтана алатын адамдарды біріктіреді.
Мемлекет басшысы Қасым-Жомарт Тоқаев «Әділетті Қазақстанның экономикалық бағдары» атты Қазақстан халқына Жолдауында еңбек құндылығын «Адал азамат» тұжырымдамасының түпкі мәні ретінде атап өтті.
Еңбек күні – бұл күнтізбедегі еңбек мерекесі ғана емес, сонымен қатар жұмыс өңірінің сапа көрсеткіші. Ал еңбек өңірінің сапасы дегеніміз - бүгінгі күні халықтың әл-аухатымен өнім сапасының жақсы болуы - ауыл шаруашылығының дамуымен тығыз байланысты. Елдігімізді еселеп, мемлекеттігімізді нығайтқан осы жылдардың ішінде ауыл шаруашылығы саласы мемлекеттің қолдауының арқасында жаңа деңгейге көтеріліп ел экономикасын дамыту мен ауыл тұрғындарының әл-ауқатын арттырудағы жетекші күшке айналды.
Газетіміздің жыл сайынғы дәстүрлі “Ауыл аманаты - Ел аманаты” атты эскпедициясы аясында ауыл-аймақтарды аралап, ондағы халықтың әл-аухатымен, жасалып жатқан ерең еңбектіремен танысып жатамыз. Сондай-ақ газетіміздегі “Еңбең адамы” айдарында ауылда аянбай еңбек етіп жүрген тұрғындар жайлы да талай жазған болатынбыз. Сондықтан Мемлекет басшысының саясатын қолдай отырып бізде еліміз үшін аянбай еңбек етіп, қоғамның дамуына барын салып жүрген барша азаматтарды құттықтай отырып, алдағы атқарар еңбектеріне өнімді табыс пен сәттілік тілейміз! Еліміздің өркендеуі жолында қызмет атқара берейік!
«Qazaqstan dauiri» газеті, «ElAna» қоғамдық қоры мен «Мөлдір бұлақ» журналының ұжымы
