ҚР Ұлттық паралимпиада комитетінің баспасөз қызметі. «26-ы ақпан күні қазақстандық паралимпиадашылар Қытай астанасы Бейжіңге аттанып кетті. Қысқы паралимпиада ресми түрде 4 наурызда ашылып, 13 наурызға дейін жалғасады. Айтулы додада ел намысын Ербол Хамитов, Александр Герлиц, Денис Петренко, Юрий Березин және Сергей Усольцев парашаңғы және парабиатлон спорты түрінен қорғайды», – деп хабарлады. Бейжің-2022 паралимпиадасында Қазақстан елінің көк туын шаңғы спорты түрінен әлем кубогінің қола жүлдегері, халықаралық дәрежедегі спорт шебері Ербол Хамитов ұстап шығады.
