Есікте басты күдікті ұсталды

    Алматы облыстық полиция департаментінің баспасөз қызметі: «Есік қаласында болған атысқа қатысы бар 30 жастағы ер адамды қамауға алынды. Осы атыс салдарынан Есік қаласының ауруханасына оқ жарақатымен екі ер адам түсті. Кейін олардың бірі көз жұмды. Күдікті ретінде ұсталған 1992 жылғы жергілікті тұрғын бұған дейін де сотталған адам болып шықты. Қылмыстық тергеу материалдарында ұсталған адам негізгі фигурант екені анықталды. Ол қамалды. Қазіргі күні Қылмыстық кодекстің үш бабы «Кісі өлтіру», «Адам өлтіруге оқталу» және «Қару қолдану арқылы бұзақылық жасау» бойынша тергеу жүруде. Атысқа қатысқан басқа адамдар іздестіріліп жатыр»,— деп мәлімдеді.