Жамбыл ауданында нашақорлыққа қарсы акция ұйымдастырылды. Ғасыр індетіне қарсы тұру, салауатты өмір салтын ұстану мақсатында өткен акция 26 маусым - Халықаралық нашақорлыққа қарсы күрес күні аясында арнайы өткізілді.
Акцияда аудан әкімінің орынбасары Досымбекова Махпал Сатыбалдықызы сөз алып, жастарға нашақорлықтың зияны мен қоғамға әсері туралы айтып өтті.
Одан бөлек аудан жастары флешмоб ұйымдастырып, жас спортшылар спорт түрлерінен жаттығулар көрсетті.
Сондай-ақ аудандық мәдениет үйінің “Дарын” халық театры арнайы қойылымды көпшілік назарына ұсынды. Акция соңы аудан өнерпаздарының концерттік бағдарламасына ұласып, жас шығармашылық топ сурет, қима қағаздан құрастырмалар мен суреттер салды.
