Бүгін Саудакент аулындағы Б. Қашқынбаев атындағы орта мектебі жанындағы интернат тәрбиеленушілерінің «Ғажайып толы Жаңа жыл» атты жаңа жылдық мерекелік кеші өтті.
Аталған жаңа жылдық шараға аудан әкімі Сұлтанғалиев Марат Қырғызәліұлы және аудандық мәслихат хатшысы Асанбай Сейналиев қатысты. Интернатта тәрбиеленуші бүлдіршіндерді Жана жыл мерекесімен құттықтап, оларға зор денсаулық, жаңа жетістіктер мен барлық армандарының орындалуын, барынша жақсы оқып, сапалы білім алып, мақсаттарына жете берулеріне тілектестігін білдірді.
Аудан әкімі Марат Қырғызәліұлы 72 балаға жаңа жылдық сыйлықтар үлестіріп, мерекелік торт пен тәтті тоқаштар тарту етіп, қуанышқа бөледі.
Шара барысында балалар да шыршаны айнала ән айтып, би билеп, өз өнерлерін көрсетті.
