ГАЗЕТТІҢ БАҒАЛЫ ДА БАТЫЛ БАСТАМАСЫ

ГАЗЕТТІҢ БАҒАЛЫ ДА БАТЫЛ  БАСТАМАСЫ

Ұлт ұстазы Ахмет Байтұрсынұлының «Газет – қоғамның үні, құлағы һәм көзі» деген теңеу бағалауына еліміздегі БАҚ-тар лайықты жауап беріп отыр ма? Осы сұрақ ойыма оралғанда, ең алдымен өзім сүйіп оқитын, біршама уақыт өзім қызмет атқарған «Qazaqstan dauiri» халықаралық, қоғамдық-саяси газетін мақтана айта аламын. Бұл басылым ел өміріндегі ең өзекті мәселелерді көтеріп қана қоймай, ұтымды ұсыныстарын батыл айтып жүр. Ол ұсыныстар көпшілік оқырмандар көңілінен шығып, қолдау табуда.

Осы жерде «Qazaqstan dauiri» ЖШС бас директоры, Қазақстанның Еңбек сіңірген қайраткері Сәуле Мешітбайқызы мен газеттің бас редакторы, жазушы, журналист Ертай Айғалиұлы басқарып отырған басылымның шығармашылық ұжымына алғысым шексіз! Басшы – біреу, қалғаны – тіреу болып, ортақ мақсатта «бір жағадан – бас, бір жеңнен – қол» шығарып отырған ұжым ғана елдің сөзін сөйлей алса керек. Басылым бетіндегі өзекті мәселе көтеріп отырған мақалалардан ұйымшыл ұжымның бейнесі айқын көрініп тұр. Мен әріптестерімнің Әділетті Қазақстан орнатуға зор үлес қосатынына сенімдімін!

Мен газет бетінде жарияланған жақсы мақалалардың бәрін тізбелеп жатпай-ақ, өткен жылдың 22 желтоқсанындағы санында жарияланған «Желтоқсан көтерілісіне мәртебе беру – Әділетті Қазақстанның мәртебесін көтеру» тақырыбымен «Тәуелсіздік. 1986. Желтоқсан» қоғамдық бірлестігі мен «Qazaqstan dauiri» газетінің бірлескен «Тәуелсіздік бастауы – Желтоқсан көтерілісі» атты «дөңгелек үстелдің» айқара беттегі материалдарын ғана мысалға келтіргім келіп отыр.

Отаншыл азамат, белсенді оқырман ретінде осы ашық пікір алмасу кезінде сөз сөйлегендердің барлығының ұсыныстарына екі қолымды көтеріп қосыламын. «Дөңгелек үстелге» қатысушылар Қазақстан Республикасының Президенті Қасым-Жомарт Тоқаевқа Ашық хат жолдаған екен. Қайталап жатудың қажеті болмас, Ашық хатта қойылған талаптардың бәрі халықтың көкейінен шыққандай. Осы жерде менің де өз ұсынысым бар. 1986 жылы Алматыдағы Желтоқсан көтерілісіне қатысушылардың қаза тапқандарына «Желтоқсан көтерілісінің батыры», көзі тірі жүргендеріне «Желтоқсан көтерілісінің ардагері» атақтары лайық.

Бізде «Ауған соғысының ардагерлері» қоғамдық бірлестігі бар. Оларға заңмен мәртебе беріліп, бірқатар жеңілдіктер қарастырылған. Олар жат жерде интернационалдық борыштарын өтегендер. Ал, желтоқсандықтар өз елімізде, өз жерімізде Әділеттілік, Тәуелсіздік үшін көтеріліс жасағанын ұмытуға болмайды ғой. Осы қаперде болса екен» деген ұсыныс тілегім бар. Мен Желтоқсан көтерілісі, оның батырлары туралы алғашқылардың бірі болып қалам тербеген едім. Сондай мақаламның бірін сүйікті газетіме ұсынып отырмын.

Болат ЖАППАРҰЛЫ, Қазақстан Журналистер одағының мүшесі, Тараз қаласы
12.01.2023

Ұқсас жаңалықтар

ТҮРКІСТАНДА ТҰРҒЫН ҮЙ САЛАСЫНА БАҒЫТТАЛҒАН ИНВЕСТИЦИЯ КӨЛЕМІ АРТТЫ
Түркістан облысы әкімінің баспасөз қызметі - 27.01.2023 382
ТҮРКІСТАНДА ОБЛЫС БАСШЫЛЫҒЫ МЕН ЖЫЛЫЖАЙ ИЕЛЕРІ БАС ҚОСТЫ
Түркістан облысы әкімінің баспасөз қызметі - 27.01.2023 345
БАСПАНА КЕЗЕГІНДЕ 1990 АДАМ ТҰР
Жарқынбек ШОҒАЛОВ, аудан әкімдігі тұрғын үй-коммуналдық шаруашылық, жолаушылар көлігі және автомобиль жолдары бөлімінің басшысы, Жамбыл облысы, Байзақ ауданы - 26.01.2023 367

Топ жаңалықтар

1
ТҮРКІСТАНДА «ӘЙЕЛДЕР КӘСІПКЕРЛІГІН ДАМЫТУ – АЙМАҚТЫ ДАМЫТУ» ТАҚЫРЫБЫНДА ДӨҢГЕЛЕК ҮСТЕЛ ӨТТІ
Show more
Түркістан облысы әкімінің баспасөз қызметі - 2023-01-28 305
2
ТҮРКІСТАН ОБЛЫСЫНДАҒЫ БАРЛЫҚ ЕЛДІ МЕКЕНДЕРДІ КӨГАЛДАНДЫРУ ЖҰМЫСЫ ЖАНДАНАДЫ
Show more
Түркістан облысы әкімінің баспасөз қызметі - 2023-01-28 306
3
Елнұр Бейсенбаев: "Сайлауалды бағдарламаға ұсыныстар халықтан тікелей жиналады"
Show more
«AMANAT» партиясының баспасөз қызметі - 2023-01-28 301
4
ТҮРКІСТАН ОБЛЫСЫНДА ИНВЕСТИЦИЯЛЫҚ ШТАБ ЖҰМЫСЫН БАСТАДЫ
Show more
Түркістан облысы әкімінің баспасөз қызметі - 2023-01-28 306
5
Алматы облысы Тәуелсіздік ұрпақтары марапатталды
Show more
Ермек Сахариев - 2023-01-26 164