«Биылғы жылдың 29-ы желтоқсан күні Жапонияда IBF/IBO нұсқасы бойынша орта салмақтағы әлем чемпионы Геннадий Головкин мен WBA Super белдігінің иесі Риота Мурата арасында жекпе-жек өтеді», – деп хабарлайды Sports.kz сайты. AsianMMA.com басылымының хабарламасында: «Жекпе-жек Азиядағы тұрғындар үшін ыңғайлы уақытта, яғни жергілікті уақыт бойынша түстен кейін өткізілуі мүмкін. Сондықтан оны кешкі уақытта АҚШ-та трансляциялауға болады», – деп жазылған. Елорда мен Токио арасындағы уақыттың үш сағат айырмасын есепке алсақ, Головкин – Мурата бокс шоуы сәрсенбі, 29-шы желтоқсанда кешке қарай басталуы мүмкін.
