Кәсіпқой бокс: Жәнібек жекпе-жектерден шеттетілді

    Орта салмақта WBO чемпионы Жәнібек Әлімханұлы (13-0, 8 КО) жекпе-жектерден шеттетілді. Жәнібектің 13 қараша Лас-Вегастағы британиялық Дензел Бентлимен (17-2-1, 14 КО) айқасынан кейін Невада штатының атлетикалық комиссиясы осындай шешім шығарды.  Мұндай шеттеу қалыпты процедура, бұл боксшылардың жекпе-жектен кейін қалыпқа келуі үшін жасалады. Осылайша, Әлімханұлы 13 желтоқсанға дейін, ал Бентли 28 желтоқсанға дейін рингке шыға алмайды.