«Каспий аймағы қоғамдық Академиясының академигі» атағы берілді

«Каспий аймағы қоғамдық Академиясының академигі» атағы берілді

Х.Досмұхамедов атындағы Атырау университетінде Атырау облысының Құрметті азаматы, қоғам қайраткері Максим Ізбасовтың мерейтойына арналған ғылыми жиын өтті. Бұл туралы Өңірлік коммуникациялар қызметі хабарлады.

ҚР Мемлекеттік «Парасат», «Құрмет» ордендерінің иегері Максим Ізбасов – Атырау облысын әлеуметтік-экономикалық тұрғыдан дамытуға өлшеусіз үлес қосқан қажырлы қайраткер, мемлекеттік қызметте халықтың алғысына бөленген ардагер. Жиында басқарма төрағасы-ректор Саламат Идрисов өңірдің дамуына үлес қосқан ардақты азаматқа оқу орнының жоғарғы марапаты – «Халел Досмұхамедов» төсбелгісін тақты. – Сіз саналы ғұмырын ел ісіне арнаған қайраткерлердің ізін жалғап, бүгінде Атырау облыстық қоғамдық кеңесінің төрағасы қызметін атқарып келесіз. Бұл кеңесте өмірлік тәжірибеңіз арқылы жастар мен мемлекеттік қызметшілерге үлгі-өнеге көрсетіп, өңірдің қоғамдық-саяси, әлеуметтік-экономикалық дамуын ілгерілетуде маңызды мәселелердің шешімін тауып, оң бастамалардың іске асуына ұйытқы болып, кәсіби мамандардан құралған Қоғамдық кеңестің маңызын арттыруға табанды еңбек сіңірдіңіз, – деді С.Идрисов. Атырау облысының құрметті азаматы, педагогика ғылымдарының докторы, профессор Асхат Иманғалиев құттықтау сөзінде Максим Ізбасовтың әрдайым ғылым мен білім саласына қолдау көрсетіп, өңірдегі түйткілді мәселелерді оңтайлы шешуде іскерлігімен ерекшеленетін тұлғалы азамат екендігін атап өтті. Сондай-ақ саналы ғұмырын ел ісіне арнаған азаматқа «Каспий аймағы қоғамдық Академиясының академигі» мәртебелі атағын табыстады. Ғылыми кеңеске университеттің оқытушы-профессорлары, мұнай-газ саласының ардагерлері, қоғам қайраткерінің әріптестері, достары қатысты.

КҮМІС ҚАЛТЫКЕЙ
29.08.2024

Ұқсас жаңалықтар

Топ жаңалықтар

1
Алматыда көшкін қаупі сейілген жоқ
Show more
Камила Мүлік - 2025-02-20 3850
2
Алматы төтенше жағдайларға дайын ба?
Show more
Камила Мүлік - 2025-02-13 4044
3
Ойынқұмарлық дендеп барады
Show more
- 2024-11-30 18975
4
Пәтер сатып алғанда абай болыңыз!
Show more
Аққу СӘЛІМБЕК - 2024-06-14 17651
5
Алты алаштың басы қосылса, төр – мұғалімдікі
Show more
АҚҚУ СӘЛІМБЕК - 2024-06-12 21078