Матростар қайтып оралды

Матростар қайтып оралды

2 мамыр күні сағат 17.15-те елордадағы «Астана-1» теміржол вокзалының перронында мерзімді әскери қызметін аяқтаған Қазақстан Республикасы Қарулы Күштерінің Әскери-теңіз күштерінің 40 матросын салтанатты қарсы алу шарасы өтті. Бұл әскери-патриоттық акцияға ҚР Қорғаныс министрлігінің, Астана қаласының әкімдігінің өкілдері, «Қарулы Күштер ардагерлері» РҚБ төрағасының орынбасары отставкадағы генерал-майор М.С.Нағұманов, ҚК және ауған соғысы ардагерлері, қала мектептерінің оқушылары және «Жас сарбаз» жасөспірімдер мен балалар ӘПК тәрбиеленушілері, матростардың ата-аналары мен ҚР ҚМ Орталық әскери оркестрі қатысты.

«Бүгін біз салтанатты жағдайда қарсы алып отырған матростардың бәрі әскер деген өмір мектебінен өтіп, шынығып, шыңдалып келді. Олардың бәрі әртүрлі қару-жарақтан атуды үйренді. Жауынгерлік кемелердің жорығына қатысып, Әзербайжан, Иран, Ресей порттарында болды», – деді сөз кезегінде Әскери-теңіз күштері бас қолбасшысының тәрбие және идеологиялық жұмыстар жөніндегі орынбасары полковник Жұмабек Хасенов.

«Қарулы күштердің ардагерлері» Республикалық қоғамдық бірлестігі төрағасының орынбасары отставкадағы генерал-майор Марат Нағұманов теңізшілерді үйлеріне оралуымен құттықтап, азаматтық өмірге бейімделіп, болашақтарына дұрыс бағдар жасай білуіне тілектестік білдірді. 

«Бұл әскери-патриоттық акцияны ұйымдастырудағы басты мақсат – жастарды әскери патриоттық тәрбиелеу және әскери қызметтің оң беделін одан әрі көтеру», – дейді шараны ұйымдастырушылар.

 

ЕРҚАЗЫ СЕЙТҚАЛИ
04.05.2023

Ұқсас жаңалықтар

Топ жаңалықтар

1
Жасанды интеллект Президенттің ақыл-ой деңгейін тексерді
Show more
smi24.kz - 2024-03-18 335
2
Өркенді қала-қуатты өңірге жетелейді
Show more
Дахан Шөкшир - 2023-06-02 6437
3
Желтоқсан батырлары—саяси қуғын-сүргін құрбандарының бірі
Show more
Сұхбаттасқан Шаргүл Қасымханқызы - 2023-06-02 8050
4
Қарағандыда саяси қуғын-сүргін және ашаршылық құрбандарын еске алу күні өтті
Show more
- 2023-06-01 6518
5
Қарағандыда “Қасіретті КарЛаг” Республикалық жыр мүшәйрасы өтті
Show more
- 2023-05-31 6653