Мектептердегі бейнебақылау жүйесі талапқа сай емес

    ШҚО Білім саласындағы сапаны қамтамасыз ету департаментінің басшысы Зейнеп Махсутова: «Бүгінгі таңда Шығыс Қазақстан облысында 647 мектеп бар. Оның 637-сі бейнебақылау жүйесімен жабдықталған. Алайда тексеріс барысында білім ордаларының басым бөлігінде бейнебақылау жүйесінің дұрыс жұмыс істемейтіндігі анықталды. Облыс мектептеріне жасалған мониторинг нәтижесінде, 533 (82,3%) білім беру мекемесінің бейнебақылау жүйесі бекітілген стандарттарға сәйкес еместігі белгілі болып отыр. Сондай-ақ 10 мектепте камералар дұрыс жұмыс істемей келген. Барлық мектептер бейнебақылау жүйесін қосымша жабдықтауға және жаңартуға өтінім берді. Аталған кемшіліктерді жою үшін бюджеттен қажетті қаражат бөлінген. Осы жылдың қыркүйек айына дейін тиісті жұмыстар атқарылады деп күтілуде», — деді.