ҚР Мемлекеттік қызмет істері агенттігі Жамбыл облысы бойынша департаментінің мемлекеттік көрсетілетін қызметтер басқармасының бас маманы Ж.Құрбанов, Жамбыл облысы әкімі аппаратының ақпараттық технологиялар және мемлекеттік көрсетілетін қызметтерді мониторингілеу бөлімінің бас инспекторы Д.Искакова, «Ұлттық ақпараттық технологиялар» акционерлік қоғамының Жамбыл облысы бойынша өкілдігінің инженері Р.Даулетов Байзақ ауданы әкімі аппаратының ғимаратында ауданның мемлекеттік қызмет көрсету бағытында жұмыс жүргізетін мемлекеттік қызметшілерімен семинар өткізді.
Аталған семинарда Жамбыл облысы әкімі аппаратының бас инспекторы Диана Ильясқызы Байзақ ауданы бойынша мелекеттік көрсетілетін қызметтерді ұсыну кезінде орын алған заң бұзушылықтар туралы айтып өтті.
Бұдан бөлек, Департаменттің мемлекеттік көрсетілетін қызметтер басқармасының бас маманы Жанәділ Аманәліұлы жиынға қатысушыларды мемлекеттік көрсетілетін қызметтер мерзімдерінің бұзылуы, артық құжат талап ету, қағидада көзделген құжаттар топтамасының толық болмауы сынды кемшіліктерді болдырмауға шақырды, сонымен қатар, лауазымды тұлғаларға рұқсат беру құжаттарының мерзімі мен тәртібін бұзудың салдары әкімшілік жауапкершілікке алып келетіндігін ескертті.Сондай-ақ, «Ұлттық ақпараттық технологиялар» акционерлік қоғамының Жамбыл облысы бойынша өкілдігінің инженері Руслан Аманғалиұлы арнайы әзірленген слайд арқылы мемлекеттік көрсетілетін қызметтерді ақпараттық жүйе арқылы көрсету тәртібі мен қағидалары бойынша толық ақпарат берді.
