"Күміс жас" жобасына қатысқан егде жастағы адамдардың жалақысы бюджет қаражаты есебінен субсидияланады
ҚР Еңбек және халықты әлеуметтік қорғау министрлігі: «Ведомство зейнет жасына жақындаған жұмыссыз адамдарды жұмыспен қамту үшін «Күміс жас» арнайы жобасын іске қосуды жоспарлап отыр. Жоба жыл сайын 5 мың адамды қамтиды. Қазіргі таңда «Күміс жас» жобасын ұйымдастыру және қаржыландыру тәртібін реттейтін нормативтік-құқықтық акті әзірленуде», – деп мәлімдейді. Жобаға бір жылдан астам уақыт бойы жұмыс істеп келе жатқан, салық және басқа да әлеуметтік аударымдарды тұрақты аударатын, сондай-ақ жалақы бойынша мерзімі өткен берешегі жоқ барлық меншік нысанындағы кәсіпорындар мен ұйымдар қатысады. Министрлік зейнет жасына жақындаған адамдарды жұмыссыз қалдырмау үшін не істейді? Осы жайлы хабарламада: «Жұмыс орындары тұрақты жұмыс орындарынан тыс және тұрақты жұмыс орындарына арналған бос жұмыс орындарынан тыс ашылады. Мұндай жұмыс орындары ауыр жұмыстарда, еңбек жағдайлары зиянды және (немесе) қауіпті жұмыстарда, Ұлттық кәсіптер классификаторына сәйкес біліктілігі төмен қызметкерлердің 9-ы тобына жататын мамандықтар/кәсіптер бойынша құрылмауы шарт. «Күміс жас» жобасына қатысу мерзімі 12 айдан аспайды. Халықты жұмыспен қамту орталығы зейнет жасына жақындаған адамдардың жалақысының бір бөлігін бюджет қаражаты есебінен субсидиялайды. Жалақыға берілетін ай сайынғы субсидия мөлшері жалақы мөлшерінің 50 пайызын құрайды. Бірақ экологиялық үстемеақы бойынша төлемдерді есепке алмағанда, салықтарды, міндетті әлеуметтік аударымдарды, пайдаланылмаған еңбек демалысына өтемақы мен банк қызметтерін ескере отырып, 30 АЕК-тен аспайды. Жобаға қатысу мерзімі аяқталған соң, жұмыс беруші зейнет жасына жақындаған адамды зейнетке шыққанға дейін тұрақты жұмыс орнына орналастырады. «Күміс жас» жобасы 2021-2025 жылдарға арналған кәсіпкерлікті дамыту жөніндегі ұлттық жоба аясында жүзеге асырылады», – делінген
