Мойынқұмда 6 ірі инвестициялық жоба жүзеге асады

Мойынқұмда 6 ірі инвестициялық жоба жүзеге асады

Жамбыл облысының әкімі Нұржан Нұржігітов Мойынқұм ауданына жұмыс сапары барысында бірқатар ірі кәсіпорындарды аралап, жұмысымен танысты.

Алдымен «Жамбыл цемент» өндірістік компаниясы ЖШС-не барған аймақ басшысына кәсіпорынның қызметі туралы баяндалды. 2010 жылы іске қосылған зауыттың жылдық қуаттылығы 1,5 млн тонна цемент өндіруге шақталған. Мұнда шығарылатын цемент еліміздің қажеттілігін 20 пайызға өтеп отыр. Өткен жылы 1,4 млн тоннадан астам өнім өндірген компанияның басшысы Пьетро Кала 227 жұмысшы еңбек ететінін, олардың бірқатары жергілікті тұрғындар екенін жеткізді. Сондай-ақ, ол логистикаға қатысты мәселені көтеріп, оның өнім көлемін арттыруға қолбайлау болып тұрғанына тоқталды. Облыс әкімі бұл жағдайды шешу үшін ҚТЖ басшылығымен жұмыстар жүргізілетінін баса айтты. Сонымен қатар, тараптар облыс көлеміндегі тұрмыстық қалдықтарды зауыттың өндіріс барысында жағу арқылы жою мәселесін де назарға алып, жан-жақты мүмкіндіктерді қарастыруға келісті.

Облыс әкімі келесі кезекте «Компания Мың-Арал» ЖШС-нің жұмысымен танысты. Балықты мұздату және өндеумен айналысатын зауыт 2014 жылы іске қосылған. Балық зауыты жылына 1500 тонна балық ресурстарын өңдеуге қуатты. Кәсіпорында 2021 жылы 133,6 тонна және өткен жылы 122 тонна балық өнімдері өндірілді. Мұнда 30- дан астам еңбек етеді. Аймақ басшысы балық өндірісін арттыру үшін зауытқа Балқаш көлінің тағы екі учаскесін бекітіп беру үшін жауаптыларға жан-жақты жұмыстар жүргізуді тапсырды. Айта кетейік, жалпы облыста балық шаруашылығын дамытудың өңірлік бағдарламасы бойынша 2025 жылға қарай тауарлы балық өндірісін 3000 тоннаға дейін жеткізу көзделуде. Ол үшін 18 инвестициялық жоба қолға алынуда. Бұдан соң Нұржан Нұржігітов Мыңарал ауылындағы Самал қалашығында Мойынқұм ауданы аумағындағы өндірістік кәсіпорын басшыларымен кездесу өткізді. Кездесуде облыс әкімі ауданның өнеркәсіптегі әлеуетіне айрықша тоқталды. – Өткен жылы облыстың өнеркәсіп кәсіпорындарымен 859,8 млрд теңгеге өнім өндіріліп, 2021 жылдың тиісті кезеңімен салыстырғанда нақты көлем индексі 110,2 пайызды құрады. Өнеркәсіп Мойынқұм ауданының экономикасын ілгерілетіп тұрған негізгі салаларының бірі. 2022 жылдың қорытындысымен Мойынқұм ауданының өнеркәсіп кәсіпорындарымен 94,8 млрд теңгенің өнімі өндірілді. Облыс бойынша өнеркәсіптегі ауданның үлесі 11 пайыз десек, бұл аудандар ішіндегі ең жоғарғы көрсеткіш. Бүгінгі таңда ауданда 2 мыңнан астам адам өнеркәсіп саласында жұмыс істеуде, – деді Нұржан Нұржігітов

Жалпы, Мойынқұм ауданында өнеркәсіп саласында бірнеше ірі кәсіпорын жұмыс атқаруда. Атап айтқанда, металлургия саласында «Алтын алмас» АҚ Ақбақай филиалы. Құрылыс индустриясы саласында «Жамбыл цемент өндірістік компаниясы» ЖШС, «Оргстрой» ЖШС, кен өндіру саласында «Шығыс кен басқармасы» ЖШС және т.б. Одан бөлек, ауданда 6 жаңа инвестициялық жобаны жүзеге асырып, қосымша 850-ден астам жаңа жұмыс орнын ашу жоспарланып отыр. Аймақ басшысы мемлекет, жергілікті билік кәсіпкерлікті қолдауға, ондағы өзекті мәселелерді шешуге барынша атсалысуға дайын екендігін атап өтті.

– Мемлекет кәсіпкерлік субъектілерін қашанда қолдауға дайын. «Қарапайым заттар экономикасы», «2021-2025 жылдарға арналған кәсіпкерлікті дамыту жөніндегі ұлттық жоба» бағдарламасы шеңберінде ұлттық валютада несиелер беріліп және пайыздық ставкалар субсидиялануда. 2022 жылдың 1 қыркүйектегі Мемлекет Басшысы Қазақстан халқына кезекті Жолдауында елдің әлеуметтік-экономикалық дамуын ерекше атап өтті. Кәсіпорындағы қызметкерлер мен қарапайым жұмысшылардың жалақысын көтеру, еңбек өнімділігін арттыру, олардың әлеуметтік жағдайын жақсарту мәселесіне көңіл бөлу аса маңызды, – деп түйіндеді Нұржан Нұржігітов. Өз кезегінде кәсіпорын басшылары да өзекті сауалдарын жолдап, жауаптар ала білді. Көтерілген мәселелердің шешу жолдарын қарастыру бойынша жауаптыларға нақты міндеттер жүктелді.

ЕРТАЙ АЙҒАЛИҰЛЫ
02.03.2023

Ұқсас жаңалықтар

АРЫСҚА ШЕТЕЛДІК ИНВЕСТОРЛАР КЕЛДІ
Түркістан облысы әкімінің баспасөз қызметі - 28.03.2024 74
ҚАЗАҚТЫҢ ЖАНЫ – ДОМБЫРА
Дәулетбек Байтұрсынұлы - 28.03.2024 131
ОТАНСЫЗ ЖЕТІМ, ДІНСІЗ БАҚЫТСЫЗСЫҢ
Нұрлан Байжігітұлы - 28.03.2024 55
АППАРАТТЫҚ КЕҢЕСТЕ
Шу ауданы әкімдігі - 28.03.2024 44

Топ жаңалықтар

1
Жасанды интеллект Президенттің ақыл-ой деңгейін тексерді
Show more
smi24.kz - 2024-03-18 349
2
Өркенді қала-қуатты өңірге жетелейді
Show more
Дахан Шөкшир - 2023-06-02 6454
3
Желтоқсан батырлары—саяси қуғын-сүргін құрбандарының бірі
Show more
Сұхбаттасқан Шаргүл Қасымханқызы - 2023-06-02 8163
4
Қарағандыда саяси қуғын-сүргін және ашаршылық құрбандарын еске алу күні өтті
Show more
- 2023-06-01 6534
5
Қарағандыда “Қасіретті КарЛаг” Республикалық жыр мүшәйрасы өтті
Show more
- 2023-05-31 6670