Мұғалімдерді санақ жұмыстарына тартқандар жазаланады

   Үкіметте өткен онлайн баспасөз мәслихатында мектеп мұғалімдерін санақ жүргізуге жұмылдыруға қатысты шағымдар туралы сұрақ қойылды. Аталған сұраққа жауап берген ҚР Білім және ғылым министрі Асхат Аймағамбетов: «Санақ жүргізу мен басқа да мәселелер мұғалімге тән емес жұмыс болғаннан кейін, ондай тапсырма беруге ешкімнің құқығы жоқ. Сондықтан бұл мәселеге қатысты расталатын фактілер болса, онда мұндай әрекетке баруға мәжбүрлегендер заң жүзінде тиісті жазасын алады. «Педагогтар мәртебесі туралы» Заңға сәйкес, тиісті айыппұл ескерілген. Педагогтарды өзіне тиесілі емес жұмыстарға тартқаны үшін біраз директорлар жұмысынан босатылды, біраз әріптестерімізге тиісті шара қолдандық. Егер осындай фактілер шын мәнінде болып, олар расталып, бізге тиісті ақпарат келсе, онда қатаң шара қолданылады»,— деді.