Мүгедектік жәрдемақының орташа мөлшері 52 609 теңге

ҚР Еңбек және халықты әлеуметтік қорғау министрлігі: «Жыл басынан бері мүгедектер мен асыраушысынан айырылған жандарға жәрдемақы түрінде 104,6 млрд теңгеден астам қаражат төленді. Енді мүгедектердің өтінімдері олардың қатысуынсыз қаралады. Биылғы наурыз айында республикалық бюджеттен мүгедектігі бойынша әлеуметтік жәрдемақыға 27,6 млрд теңге, асыраушысынан айырылу жағдайына байланысты 7,7 млрд теңге жұмсалды. 2022 жылғы 1-і сәуірде әлеуметтік жәрдемақы алушылардың саны 525 мың адамды, асыраушысынан айырылу жағдайы бойынша 174,3 мың адамды құрады. Оларға төленетін жәрдемақылардың мөлшері мүгедектік тобына және себебіне, қайтыс болған (қаза тапқан) асыраушының асырауындағы адамдар санына, сондай-ақ тиісті қаржы жылына арналған «Республикалық бюджет туралы» заңда белгіленетін ең төмен күнкөріс деңгейінің шамасына байланысты. Сәуірде мүгедектік жөніндегі әлеуметтік жәрдемақының орташа мөлшері 52 609 теңгені, асыраушыдан айырылу жағдайында 43 957 теңгені құрады», — деп хабарлайды.