Надежда ел рекордын жаңартты

Солт-Лейк-Ситиде конькимен жүгіруден әлем кубогы өтіп жатыр. Осы жарыста қазақстандық Надежда Морозова ел рекордын жаңартты. Әйелдер арасында 3000 метр қашықтықты (А дивизионы) Морозова 3:59,647 уақытта бағындырды. Бұл жетістік оған бұған дейін Олимпиада ойындарының қола жүлдегері Людмила Прокашеваға (4: 05.01) тиесілі болған Қазақстан рекордын жаңартуға мүмкіндік берді. Нәтижесінде Морозова 12 орынға жайғасты. 500 метр қашықтықта В дивизионында өткен жарыста Қазақстан өкілі Екатерина Айдова сынға түсті. Қазақстандық атлет 38.078 нәтиже көрсетіп, бесінші орынды иеленді. Ерлер арасында 500 метр қашықтықта В дивизионында қазақстандық спортшылар арасында Иван Аржаников үздік нәтиже көрсетті. Ол 16 орыннан көрінді. Қорытынды хаттамада жарысты Роман Креч 31, Евгений Кошкин 34 орынмен аяқтады.