Путин «Украинаны ұлтшылдардан тазартамыз» деген сандырағын әлі қоя алар емес. Неге қоя алмайды десең, бұл соғыстың шын себебін жасыратын басқа сылтауы жоқ. Жақын арада ол сылтауды да айта алмай қалатын болады. Өйткені Путин ұлтшыл дегендердің бәрі өз отанын сүйетін, өзінің ана тілі мен өзінің салт-дәстүрін құрметтейтін Украинаның нағыз батыр ұлдары.
Украинаның ұлтшылдығы мен Ресейдің ұлтшылдығы деген екі бөлек дүние. Украинаның ұлтшылдығы ұлтқа деген шынайы махаббаттан туындаған, басқа ұлттарға жаулық көзбен қарамайтын ұлтшылдық, ал Ресейдің ұлтшылдығы – өздерін аса ерекше жаратылған ұлт санайтын, сол себепті басқа ұлттардың өздерінің алдында тізерлеп тұруын талап ететін ұлтшылдық. Оны путиншілер ашық айтып келді. Осыным қалай деп ойланбады. Есіріп кетті. Қарапайым орыс халқы осылардың сөзіне иланып қалған. Тек Ресейде тұратын орыстар ғана емес, басқа республикаларда тұратын кейбір орыстар да солай ойлайтын болған.
Ұлтшылдар Украинада емес, нағыз жиіркенішті ұлтшылдық Россияда.
