«OIL CAPITAL CUP» ХАЛЫҚАРАЛЫҚ ТУРНИРІНІҢ КУБОГІ ӨТПЕК

16-21 қыркүйек аралығында Біріккен Күрес Әлемі аясында Атырау облыстық күрес түрлері федерациясының ұйымдастыруымен ересектер арасында грек-рим, еркін күрес түрлерінен «Oil Capital Cup» Atyrau халықаралық турнирі өтеді. Аталған турнирдің боз кілемінде олимпиада және әлем чемпиондары мен жүлдегерлері бақ сынайтын болады. – Аталған дода Хиуаз Доспанова атындағы «Мұз айдыны» сарайында өтеді. Турнирдің боз кілемінде олимпиада және әлем чемпиондары мен жүлдегерлері белдеседі. Бұл өңірдегі жастарымыздың спортқа құлшынысын арттыруға септігін тигізеді, – деді Атырау облысы күрес түрлері федерациясының басшысы Арман Тугаев.