Олимпиада жеңімпаздарына сыйақы төленеді

Үкіметтің онлайн отырысында зияткерлік, шығармашылық және спорт бағыты бойынша халықаралық олимпиадалардың жеңімпаздарын қалай ынталандыратынын айтқан Білім және ғылым министрі Асхат Аймағамбетов: «Зияткерлік бағыттар бойынша халықаралық олимпиадаларға қатысушыларды ынталандыру және қолдау мақсатында алтын үшін 1500 АЕК (4 375 500 теңге), күміс үшін 1000 АЕК (2 917 000 теңге ), қола үшін 500 АЕК (1 458 500 теңге) көлемінде біржолғы ақшалай сыйақы белгілеу жоспарлануда. Сонымен бірге, жеңімпаздарды дайындаған педагогтер мен жетекшілерге де бірреттік ақшалай сыйақы беру қарастырылады», – деп мәлімдеді.