ОҚУШЫЛАР ҚАЗАҚ ТІЛІНЕН ЕМТИХАН ТАПСЫРУЫ МҮМКІН

2023-2024 оқу жылынан бастап 5-8, 10 сынып оқушылары «Қазақ тілінен» міндетті емтихан тапсырады. Қазақ тілінен өзге тілдерде оқытатын мектеп оқушыларының «Қазақ тілі мен әдебиеті» бойынша білімі тексеріледі. Бұл туралы Оқу-ағарту министрінің бұйрығының жобасында жазылған. Жоба 23 қарашаға дейін қоғам талқысына ұсынылды. «Ол – білім алушылардың бағдарламалар мазмұнын меңгеруін бағалау мақсатында өткізілетін рәсім», – деп түсіндірілген бұйрық жобасында. Емтихан уақытын мектептердің өзі белгілейді. Ол жазбаша және ауызша өтіп, оқушының қазақ тілінде тыңдау, сөйлеу, оқу және жазу біліктілігін тексеруге мүмкіндік береді. Емтихан тапсырмаларын әзірлеуде педагогтер сәйкес сыныптың оқу бағдарламасын негізге алады. Аталған пәндер бойынша жылдық бағасы оқушының жыл бойғы оқу үлгерімі мен емтихан нәтижесіне (30 да 70 пайыз) қарай қойылады.