Қорғаныс министрлігі Жамбыл облысында зардап шеккендерге көмек көрсету мәселелерін шешіп жатыр. Қорғаныс министрлігінің жұмыс тобы қаза тапқандардың отбасыларымен қажетті жұмыс жүргізуде. Атап айтқанда оларға заңнамада белгіленген төлемдер мен жеңілдіктерді алу тәртібі түсіндіріледі. Бұдан басқа, Қорғаныс министрінің орынбасары Мұхамеджан Таласов зардап шеккендердің ешқайсысы назардан тыс қалмайтынын атап өтіп: «Біз тиісті өтемақылар мен жәрдемақыларды төлеуге байланысты мәселелерді мүмкіндігінше тезірек шешу үшін қолдан келгеннің бәрін жасаймыз. Қажет болған жағдайда отбасы мүшелеріне жұмысқа орналасуға көмек көрсетіледі. Сондай-ақ қаза тапқандардың балаларына қамқорлық көрсетеміз. Бұл ретте оларды Қорғаныс министрлігінің білім беру орындарына оқуға қабылдауға жәрдем көрсетіледі», – деп мәлімдеді.
Ермек Сахариев
