Пауэрлифтинг: Қоржынға түскен алғашқы алтын

Қазақстан құрамасы Паралимпиада ойындары аясында бірінші марапатқа ие болды. 1996 жылы Ақмола облысының Атбасар қаласында дүниеге келген пауэлифтингші Давид Дегтярев 54 келіге дейінгі салмақ дәрежесінде 174 келі салмақты еңсеріп, «алтыннан» алқа тақты. Осы алтыны үшін ол мемлекеттен 250 мың доллар сыйақы алады. Аталмыш салмақта француз Бурлон Аксель (165 кг) «күміс», ал грек Бакочристос Димитриос (165 кг) «қола» жүлдегер атанды. Давид пара пауэрлифтингпен 2016 жылдан бері айналысады. Жеке жаттықтырушы – Колесников Юрий Николаевич. 2021 жылы Тбилисиде өткен Әлем Кубогінде ол 185 кг-ға дейін салмақ көтеріп, Азия рекордшысы болған-ды.