Пойыз алты жылқыны қағып кетті

Облыстық полиция департаменті: «Ұлытау облысында жолаушылар пойызы алты жылқыны қағып кетті. Манадыр-Жомарт аралығында «Алматы-Жезқазған» жолаушылар пойызының машинисі теміржол жолдарында жайылып жүрген жылқыларды байқап, оларды соқпас үшін шұғыл тежеуді қолданған. Бірақ апаттың алдын алу мүмкін болмады. Пойыз 6 жылқыны қағып кетті. Көлік оқиға орнында 8 минутқа аялдады. Аталған факті бойынша оқиға орнына жедел-тергеу тобы барды. Малдың иесі 59 жастағы жергілікті тұрғынға ҚР ӘҚБтК 559-бабының 1-бөлігімен 5 АЕК мөлшерінде айыппұл салынды», – деп хабарлайды.