Қайсар да батыр мінезді ұландар қатысқан халықаралық турнирде 400-ден астам боксшылар күш сынасты

Қайсар да батыр мінезді  ұландар қатысқан халықаралық турнирде 400-ден астам боксшылар күш сынасты

Алматыда Қазақстан Республикасына еңбегі сіңген спорт қайраткері, бокс жаттықтырушысы Әлімқұл Бүркітбаевтың 80 жылдығына орай бокстан халықаралық еске алу турнирі өтті. Әлімқұл Бүркітбаев 1942 жылы 16 наурызда Шу ауданында дүниеге келген. Қазақстандық спортшы, ғалым, жазушының тағдыры – шым-шытырық. Балалық шағы балалар үйінде өткен. Кейіннен Бішкек (Фрунзе) дене тәрбиесі институтын, Пекин университетінің шығыс медицинасы факультетін бітірген. Жастайынан алғыр, спортқа машықтанған бұла жігіт – бокстан Қырғызстанның бес дүркін чемпионы. Спорт тақырыбында кандидаттық диссертация қорғап, профессор атанған. Спорттан бөлек ғылым және шығармашылықпен айналысқан, Жамбыл облысының спорт комитеті төрағасының орынбасары, ҚСР Оқу министрінің көмекшісі, Абай атындағы педагогикалық институтында кафедра меңгерушісі қызметтерін атқарды. Спортпен қатар жазушылықты бірге алып жүрген боксшы  Қажымұқан жайында деректі кітап пен ғылыми зерттеулері, «Мұғалім», «Қазақтың ат спорты», «Жетімек» сынды еңбектері бар. Талай ұрпақты тәрбиелеп өсірген білікті бапкердің шәкірттері мен ұлдары Бақыт Бүркітбаев, Серік Бүркітбаев, Дархан Мыңтаев, Асхат Шуелбаев  бүгінде ұстаздарының 80 жылдығына орай бокстан еске алу турнирін өткізіп отыр. 

«Біздің қазақтың достығы, дұшпандығы, мақтаны, мықтылығы, мал іздеуі, өнер іздеуі, жұрт тануы ешбір халыққа ұқсамайды», – деп Абай атамыз айтқандай, маусымның 22-26 аралығында төрт күнге созылған аталмыш додада еліміздің түкпір-түкпірінен спортшылар, сонымен қатар көршілес Ресей, Тәжікстан мемлекеттерінен де ат терлетіп келген 400-ге жуық спортшы 24 салмақта сайысқа түсті. Ресейден  үш құрама – Түмен, Орынбор, Омбыдан құрамалар келді.  Ал Тәжікстаннан Азия біріншілігіне қатысатын негізгі құрама келді. Тәжікстанның 5 боксшысы, оның ішінде 52 келі салмақта тәжік Фахриддин Закиров чемпиондық атаққа ие болса,  Ресейдің 2 боксшысы жүлдеге қол жеткізіп, қалған 17 жүлдемен  қазақ боксшылары жанкүйерлерін қуанышқа кенелтті. Бұл додаға нәзікжандылардың қатысқанын да айта кетейік.       Қыздар арасында жүлделі орын алып, ерекше көзге түсіп, 40 келі салмақта Айым Танкибаева топ жарды. Бапкері – Болатбек Райх. Алматы қаласында өткен еске алу турнирінің әр күні тартысқа толы болды. Шаршы алаңға көтеріліп, қолғап түйістірген жасөспірімдер мен балалар бокс өнерінің қыры мен сырын меңгеріп келе жатқандықтарын аңғартты. Төрелік еткен Лашкаров Камиль, (Тәжікстан), Асаулов Рашид, (Қазақстан), Тагдибиев Расул, (Ресей),  Поль Тузенде (Гватемала) сынды төрешілер – IBO Халықаралық бокс ұйымының жоғары дәрежелі мамандары. Сонымен қатар қонақтардың арасында боксшы, халықаралық дәрежедегі спорт шебері, әлем кубогының күміс жүлдегері, (1994 Бангкок, Тайланд) Азия ойындарының жеңімпазы, (1994, Хиросима, Жапония) Азия чемпионы (1994, Иран, Тегеран) Қанатбек Шағатаев жарыстың қадірлі қонағы болды. 

«Бұл турнирдің мақсаты – балаларды, жасөспірімдерді спортқа баулу, бокс саласын дамыту, ертең халықаралық аренаға шығаратын қазақ балаларды дайындау. Әлімқұл ағай өзі 52 келі салмақта өнер көрсеткен, сондықтан осы салмақта арнайы жүлде сыйлығымыз болды. Бір сөзбен айтқанда, мақсатымыз – Әлімқұл ағайымыздың ізін жалғастыру», – деді турнирді     ұйымдастырушылардың бірі Дархан Мыңтаев. 

Белгілі боксшы Бейбіт Есжановтың сөзінің жаны бар. Жарыстарға жиі қатысқан сайын жас боксшылардың шеберлігі арта түседі. Мұндай додалар жасөспірімдерге қанат бітіріп, халықаралық аренада еліміздің көк туын желбіретер спортшыларымыз осындай додалардан шығады. Ұйымдастырушылардың айтуынша, турнир мұнымен тоқтап қалмай, келесі жылы Әлімқұл Бүркітбаевтың туған жері Шу қаласында өтетін болады.

 

Рауан МУТАИР, Жандаулет Дигарбеков
30.06.2022

Ұқсас жаңалықтар

Аудан әкімі тұрғындарды қабылдады
Қордай ауданының әкімдігі - 18.08.2022 15
Халықтың талап-тілегі ескерусіз қалмайды
Жуалы ауданының әкімі Жалғас Мұртаза Әлижанұлы - 18.08.2022 42
Жамбылда биыл 22 890 оқушы 1-сыныпқа барады
Тараз Жиырма Төрт - 18.08.2022 15
МӘМС – халыққа тиімді жоба
Сұхбаттасқан – Тілекгүл ЕСДӘУЛЕТ - 18.08.2022 72
Шерхан және Мұсатай
Доқтырхан Тұрлыбек, жазушы, Халықаралық «Алаш» әдеби сыйлығының лауреаты - 17.08.2022 184
Әбілқайыр хан және Күсеп батыр
Самат ӨТЕНИЯЗОВ, Әл-Фараби атындағы ҚазҰУ, т.ғ.к. - 11.08.2022 328
Сіз қандай қариясыз?
Мақұлбек МАЛДАРБЕКОВ, Қазақстанның құрметті журналисі - 11.08.2022 340

Топ жаңалықтар

1
Орталық Азиядағы ең үлкен мешіт Нұр-Сұлтанда
Show more
Ермек САХАРИЕВ - 2022-08-18 120
2
Руслан Жақсылықов Мәскеуге барды
Show more
Ермек САХАРИЕВ - 2022-08-18 116
3
Әсерлі саяхат
Show more
Ләззат ҚАЖЫМОВА БҚО Орал қаласы - 2022-08-18 97
4
МӘМС – халыққа тиімді жоба
Show more
Сұхбаттасқан – Тілекгүл ЕСДӘУЛЕТ - 2022-08-18 72
5
Шерхан және Мұсатай
Show more
Доқтырхан Тұрлыбек, жазушы, Халықаралық «Алаш» әдеби сыйлығының лауреаты - 2022-08-17 184