Қарағандыда Жақсыгелді Сейілов туралы көркем фильм көрсетілді

Қарағандыда Жақсыгелді Сейілов туралы көркем фильм көрсетілді

Қарағандының Достық үйінде Қазақстанның еңбек сіңірген мәдениет қайраткері, композитор Жақсыгелді Сейіловтың өмірі мен шығармашылығы туралы баяндайтын "Неге солай?" көркем фильмінің тұсаукесері өтті. Картинаның қоюшы режиссері – Кенжебай Ахметов.

"Неге солай?" фильмі әнші және композитордың жастық шағы туралы әңгімелейді. Ол екі жыл бұрын түсірілген, бірақ пандемия кезіндегі шектеу шараларына байланысты оның премьерасы кейінге қалдырылды.

– Біз картинаны бір жылға жуық уақыт бойы түсірдік. Фильм Жақсыгелді Сейіловтың туған жерінде, оның жастық шағы өткен Теректі станциясында, Жаңаарқа ауданының Қарағаш ауылында және Жезқазғанда түсірілді. Жалпы алғанда, түсірілім процесіне 150-ге жуық адам қатысты.  Біздің фильмде кәсіби актерлер жоқ, негізінен қарапайым адамдарды түсірдік, – деді Кенжебай Ахметов.

Фильмде басты рөлді Жезқазған политехникалық колледжінің 18 жастағы түлегі Абдулрасул Нұртазин сомдады. Болашақ бағдарламашы түсірілімге өзінің белсенді азаматтық ұстанымының арқасында түскенін мойындайды.

– Студенттік кезімде белсенді волонтер болдым. Айтыскерлердің бір сайысы кезінде режиссер мені байқап қалды, сол жерде ұйымдастыру мәселелеріне көмектестім. Ол маған өзімді басты рөлде сынап көруді ұсынды. Композитормен сыртқы ұқсастық шешуші фактор болған шығар, – дейді Абдулрасул. – Рөлді сомдау маған оңай болған жоқ. Жақсыгелді аға – тарихи тұлға. Оған сәйкес болу керек еді. Түсірілім менің жүрегімде ұмытылмас әсер қалдырды, менің өмірім 180 градусқа бұрылды.

Режиссердің айтуынша, бір фильмде Жақсыгелді Сейіловтың таланты мен қағидалары туралы айту мүмкін емес, сондықтан осы картинаның тағы екі бөлігімен жұмыс жалғасады, олар қазақстандықтарға әнші өмірінің басқа да кезеңдері туралы баяндайды.

– Көптеген қазақстандықтар бала кезінде көру қабілетінен айырылған Жақсыгелді Сейіловтың әндерін біледі. Олар: "Ана туралы баллада", "Ұлытау", "Әке туралы ой", "Кездесу", "Неге солай?", "Сүйінші", Жезқазған қаласының әнұраны "Жезқазған шеруі". Оның репертуарында 50-ге жуық шығарма бар. Олар бұрыннан тыңдаушылардың жүрегін жаулап алған. Бірақ автордың өзі туралы аз біледі. Біздің фильм оларға осы құпияның шымылдығын ашады, – деп қосты Кенжебай Ахметов.

 

                                                                                         

 

Жомарт Шаймұрат
07.07.2022

Ұқсас жаңалықтар

I love Qaqpatas
Қордай ауданының әкімдігі - 19.08.2022 9
Аудан әкімі тұрғындарды қабылдады
Қордай ауданының әкімдігі - 18.08.2022 15
Халықтың талап-тілегі ескерусіз қалмайды
Жуалы ауданының әкімі Жалғас Мұртаза Әлижанұлы - 18.08.2022 42
Жамбылда биыл 22 890 оқушы 1-сыныпқа барады
Тараз Жиырма Төрт - 18.08.2022 16
МӘМС – халыққа тиімді жоба
Сұхбаттасқан – Тілекгүл ЕСДӘУЛЕТ - 18.08.2022 77
Шерхан және Мұсатай
Доқтырхан Тұрлыбек, жазушы, Халықаралық «Алаш» әдеби сыйлығының лауреаты - 17.08.2022 187
Әбілқайыр хан және Күсеп батыр
Самат ӨТЕНИЯЗОВ, Әл-Фараби атындағы ҚазҰУ, т.ғ.к. - 11.08.2022 330
Сіз қандай қариясыз?
Мақұлбек МАЛДАРБЕКОВ, Қазақстанның құрметті журналисі - 11.08.2022 342

Топ жаңалықтар

1
Орталық Азиядағы ең үлкен мешіт Нұр-Сұлтанда
Show more
Ермек САХАРИЕВ - 2022-08-18 124
2
Руслан Жақсылықов Мәскеуге барды
Show more
Ермек САХАРИЕВ - 2022-08-18 120
3
Әсерлі саяхат
Show more
Ләззат ҚАЖЫМОВА БҚО Орал қаласы - 2022-08-18 101
4
МӘМС – халыққа тиімді жоба
Show more
Сұхбаттасқан – Тілекгүл ЕСДӘУЛЕТ - 2022-08-18 77
5
Шерхан және Мұсатай
Show more
Доқтырхан Тұрлыбек, жазушы, Халықаралық «Алаш» әдеби сыйлығының лауреаты - 2022-08-17 187