25 қазан - Республика күнi мерекесі, Қарақия ауданының 50 жылдық мерейтойы аясында, Құрық, Жетібай және Мұнайшы ауылдарындағы мүмкіндігі шектеулі, әлеуметтік жағдайы төмен, аз қамтылған жанұяларға 6 пәтердің кілті берілді.
Баспанасыз жандарға бір күнде қуаныш сыйлап, үй алып берген атымтай жомарт ата салтымыздың ақ жолымен жүрген қайырымды жандардың бірі - «Оғланды-Бекет ата» қоғамдық қорынының төрағасы Тұрғанбай Сәулеұлы.
Баспаналы болған тұрғындар да бар ықылас-пейілімен алғыстарын айтты. Сонымен қатар аудан, ауыл әкімшілігінің азаматтарына ризашылық жеткізіп, қуаныштан көз жастарын тия алмады.
- Біздің тұрмыстық жағдайымызды елеп - ескеріп, жаңа қоныс алып беріп, қуаныш сыйлап жатыр. «Оғланды-Бекет ата» қоғамдық қорынының төрағасына рахмет. Барша атсалысқан азаматтарғада алғысымыз шексіз, бала - шағасының қызығын көрсін, - дейді баспаналы болған тұрғын.
