Тосын нәтижелерге толы болған бұл турда «Ақтөбенің» чемпиондыққа тағы бір қадам жақындай түсуі, «Тобылдың» чемпиондықтан үмітсіз қалғаны, «Астананың» қарсыласты мазақ қылғаны секілді қызықтарға толы болды. Турдың бетін батыс дербиі ашты:
«Ақтөбе» – «Каспий» – 4:0
Көш бастап тұрған «Ақтөбе» алдыңғы ойында «Ақжайықтан» есе жібергеннен кейін, бұл ойында да нәтиже көрсетуі екі талай еді. Ойынды көптеген мамандар келісілген ойын деп пікірлерін де білдіріп жатты. Алайда «Ақтөбе» өзінің бұрынғы чемпиондық ойынын көрсетіп, «ақтаулықтардың» тас-талқанын шығарды.
«Ақсу» – «Тобыл» – 3:0
Бұл ойында күтпеген жағдай орын алды. Небәрі 36 минут ішінде «Ақсулықтар» «Тобылдың» қақпасына 3 бірдей гол салып, жеңіске жетті. «Астана» мен «Ақтөбені» алға жіберіп қойып, «Тобыл» бұл ойыннан кейін чемпиондықтан алшақтап қалды. Есеп – 3:0.
«Атырау» – «Қайрат» – 1:2
«Атыраудағы» ойын тартысқа толы болды. Ойынның басында Артур Шушеначев есепті ашты, алайда көп ұзамай мұңайшылар есепті теңестірді. «Қайрат» сапындағы Садыбеков қызыл қағаз алып, алаңнан қуылды. Мұнайшылар адам саны басым болса да жеңіске жете алмады.
«Шахтер» – «Тұран» – 0:0
Бұл ойында голдар салынбаса да, қызыққа толы болды. Ойынның басым бөлігінде «Шахтер» допқа иелік етті, тіпті қарсыластың қақпасына гол салып үлгерді. Бірақ төреші оны есепке алмады. Көміршілерге бұл ойында сәттілік жетіспегені аңық. Есеп – 0:0.
«Астана» – «Ордабасы» – 6:0
«Ақтөбенің» артынан қалмай өкшесін басып келе жатқан «Астана» бұл ойында «Ордабасының» тас-талқанын шығарды. Шымкенттіктердің қақпасына жауапсыз алты бірдей гол салып, масқара етті. «Астана» мен «Ақтөбенің» арасында 4 ұпай, қос алыптың арасындағы тартыс енді қыза түсетіндей.
«Тараз» – «Қызылжар» – 0:0
Соңғы 5 ойында жеңіске жете алмай жүрген «Тараз» бұл ойында да жеңістен құралақан қалды. Нүркен Мазбаев пен Али Алиевтің шәкірттері есепті аша алмай, 0:0 есебімен тарқады.
«Мақтаарал» – «Ақжайық» – 1:0
Жер домалақ деген секілді, доптың да домалақ екенін естен шығармайық. Алдыңғы ойында «Ақжайық» 1-орында тұрған «Ақтөбені» жеңсе, бұл ойында соңғы 14-орында жайғасқан «Мақтааралдан» есе жіберді. Футболдың қызығы осы да.
