А Ш Ы Қ Х А Т
Аса мәртебелі Қасым-Жомарт Кемелұлы!
Соңғы екі айдан бері Қытай Халық Республикасы Іле Қазақ автномиялы облысында Қытай үкіметінің «Ковид» ауруына байланысты жасаған “карантин” шектеулерінен, ондағы жасап жатқан қандастарымыздың жаппай аштыққа ұрынып жатқаны туралы Вичат әлеуметтік желілерінде түрлі видеолар мен хабарлар толассыз келіп жатыр.
Жеткен деректерге қарағанда Іле Қазақ автономиялы облысының орталығы Құлжа қаласынан бастап барлық аудандарда бір айдан бері барлық сауда орындарында азық-түлік таусылған, жұмыс орындары жұмысын тоқтатып, халық карантинде ешқайда шыға алмай, үйлерінде қамалған. Соныңсалдарынан соңғы екі аптададан бері жұрттың ішерге тамағы жоқ, кей отбасыларда адам өле бастаған. Дүкендерде азық-түліктауысылғандықтан ақшасы болса да азық-түлік сатып ала ал-майтыны туралы Қазақстандағы туыстарына хабар келуде. Кей өңірлерде ауруларды емдеу мен жүкті әйелдерді босандырумедицина қызметкерлерінің келмейтіні туралы ақпарат бар.
Қытайда ресіми дерек бойынша 2 миллионға жуық Қазақ бар. 1953-1963 жылдарда Қазақстанға оралған 400 мыңнан астам қазақты және Тәуелсіздік алғаннан бері оралған 200 мың қазақтар мен олардың өсімін қоса есептегенде Қазақстанда қазір Қытайға қатысты 2 миллионға жуық Қазақ бар.
2020 жыдың басында Қытайда тараған “Ковид” індетіне байланысты Қазақстан-Қытай шекарасы жабылып, содан бері Қытайдағы қандастарымыз Қазақстанға келе алмай қалды. Қазақстан үкіметі жақында Қытай азаматтарына 14 күнге визасыз кіруге рұхсат бергенімен, Қытай үкіметі ол жақтағы Қазақтарды Қазақстанға жібермеуде.
2022 жылы 14 қыркүйекте Қытай Төрағасы – Ши Жинпиң ресми сапармен Қазақстанға келетіні белгілі. Осыған байланысты Сізден, Қытай Төрағасымен кездесу кезінде Қытайдағы қандастарымыздың аштыққа ұрынуын болдырмау, оларға гуманитарлық көмек жіберу және Қазақстанға кедергісіз көшіп келу бойынша мәселелерді қарастырып, оңды шешімдер қабылдануына ықпал етуіңізді сұраймыз.
Ұлтымыз үшін маңызды мәселе назарыңыздан тыс қалмаса екен?!
Құрметпен:
Дулат ИСАБЕКОВ - Жазушы, драматург, Қазақстан мемлекеттік силығының иегері
Мұхтар ШАХАНОВ - Ақын, Қазақстан халық жазушысы, Қазақстан Еңбек Ері
Марат ТОҚАШБАЕВ - Жазушы-публицист, “президент және халық” газетінің бас редакторы
Өмірхан АЛТЫН - “European Kazakh Forum”&“Шетелдегі Қазақтарды қорғау” қозғалысы төрағасы
Темірхан МЕДЕТБЕК - Ақын, Қазақстан мемлекеттік силығының иегері.
Оразалі СӘБДЕН - Ғалым, академик, Қазақстан мемлекеттік силықтың иегері
Сайлау БАТЫРШАҰЛЫ - дипломат, профессор, Экономика ғылымдарының докторы.
Қазыбек ИСА - Ақын, Қазақстан парламентінің депутаты, “Қазақ үні” газетінің президенті
Рысбек СӘРСЕНБАЙҰЛЫ - Журналист, тіркелмеген “Біздің таңдау” партиясы кеңесшісі
Сайдахмет ҚҰТТЫҚАДАМ - Саясат танушы, публицист, қоғам қайраткері
Жанкелді ШЫМШЫҚОВ - профессор, Экономика ғылымдарының кандидаты
Сланқожа ҚАРАҚЫСТЫҚ - Полиция полковнигі, ақын, аудармашы
Дос КӨШІМ - Саясаткер, “Ұлт тағдыры” қозғалысының төрағасы
Серік ЕРҒАЛИ - Журналист, “Елсана” қоғамдық қорының төрағасы
Еркін РАҚЫШОВ - Режисер, тіркелмеген “Ел мен Жер” партиясыың жетекшсі
Омар ЖӘЛЕЛҰЛЫ - Аудармашы, ғалым, зерттеуші, Абайтанушы
Қажымұқан ҒАБДОЛЛА - Заңгер, Журналист, “Қазақ Елі” қозғалысының төрағасы
Жұмамұрат ШӘМШІ - Ақын, журналист. Қоғам белсендісі
Серік ЖОЛДАСБАЙ - ORDA LIFE каналының жетекшісі
