Қазақстандық ғылымды дамыту – Президент назарында

Қазақстандық   ғылымды дамыту –   Президент назарында

Соңғы жылдары еліміздің білім және ғылым саласында орын алып жатқан жағымды жаңалықтар ұстаздар мен ғалымдардың еңсесін серпілтіп, талайдан бері шешімін таппай жүрген ақтаңдақтардың орнын толтырғандай болды. Мемлекет басшысының пәрменімен ең әуелі педагог мәртебсін көтеру қолға алынды. Бұл бастамалардың нәтижесінде мұғалімдердің жалақылары өсіп, педагогтердің жұмысқа деген ынтасы арта түсті. Осы айтулы жаңалықтардың ізі суымай жатып ЖОО-лар мен ғылыми-зерттеу орталықтарының қызметіне жасалған бірқатар маңызды реформалар мемлекеттің білім беру және қазақстандық ғылымды дамыту жолында  жасаған маңызды қадамдарының бірі болып тарихқа енді. 

Былтыр қаңтардың соңында мемлекет басшысы Қасым-Жомарт Тоқаев Қазақстанның ірі бизнесмендерімен кездесуі кезінде «Болашақ» бағдарламасы туралы маңызды ұсынысын айтқаны есімізде. Тоқаев мырза осы жолғы кездесу кезінде: «Жалпы, еліміздегі білім беру жүйесін қайта форматтағым келеді. Біз экономистерді, заңгерлерді, менеджерлерді және т.б. мамандық иелерін тым көп шығарып жатырмыз. Қазір білім саласын техникалық арнаға түсіруіміз керек. «Болашақ» бағдарламасын қайта бағдарлаймыз. Жастарды техникалық жоғары оқу орындарында оқуға, соның ішінде Ресейге, бәлкім тіпті ең алдымен, Ресейге жіберетін боламыз. Жалпы бәрімізге білім туралы көзқарасымызды өзгерту қажет. Гуманитарлық мамандықтармен әуестену кезеңі келмеске кетті. Басымдықты техникалық мамандықтарға беру қажет. Инженерлер мен өнеркәсіп өкілдерінің жаңа буынын өсіріп шығару қажет болып тұр», – деген еді.

Мемлекет басшысының 2022 жылы ақпан айында Ресей Федерациясына жасаған арнайы мемлекеттік сапары аясында аса маңызды 11 түрлі құжатқа қол қойылғаны есімізде. Соның ішінде 7 келісім тек қана білім-ғылым саласына қатысты болған еді. Бұлардың ең басында «Қазақстан Республикасы Білім және ғылым министрлігі мен Ресей Федерациясы Ғылым және жоғары білім министрлігі арасындағы өзара түсіністік туралы меморандум» тұрды. Онан кейінгілері Қазақстан Республикасы Халықаралық бағдарламалар орталығы» акционерлік қоғамы мен Ресейдің іргелі оқу орындары мен зерттеу институттары арасында жасалған келісімдер еді.

Президенттің бұл сөзі еліміздің ғылым саласының болашағына жасалған маңызды бағдар болды. Сонан кейін басталған маңызды жаңалықтардың бірі  – Білім және ғылым министрлігінің өз ішінен екі министрлікке бөлініп қайта құрылуы. Президент баяндамасында айтылғандардың негізінде Ресейге жасаған мемлекеттік сапары аясында ғылым саласына қатысты бірнеше маңызды келісімдерге қол қойып қайтты. Бұдан бөлек елімізде шетелдің абыройлы оқу орындарының филиалдарын ашу бастамасы да маңызды жаңалықтардың бірі болды. Осы бастама аясында 2022 жылы елімізде халықаралық университеттердің үш өкілдігі ашылды.

Сондай жағымды жаңалықтардың бірі жақында жұртқа белгілі болды. Мемлекет басшысы Қасым-Жомарт Тоқаев наурыздың басында Ғылым және жоғары білім министрі Саясат Нұрбекті қабылдады. Ақорда жақтан таралған ақжолтай хабарда Президент алдында есеп берген министр мырза Қонаев қаласында академиялық қалашық салу жұмыстары басталғандығын айтыпты.  Бұдан  бөлек биыл еліміздің бірнеше ЖОО-лары жанынан шетелдің  бес танымал университетінің филиалы ашылатындығы туралы белгілі болды. Бұл өз кезегінде дарынды жастардың елімізде жүріп-ақ шетелдің озық оқу орындарынан білім алуына мүмкіндік берсе, дарындыларды мемлекет қаражатынан шетелдерге жіберу мәселесіне де едәуір септігін тигізетін жоба дер едік. Осы маңызды кездесу кезінде Саясат Нұрбек мырза Президентке «2023-2029 жылдарға арналған Жоғары білім мен ғылымды дамыту тұжырымдамасының жобасын ұсынған» екен. «Құжатта аталған саланы дамытудың барлық стратегиялық міндеті мен көрсеткіші қамтылған» деп хабарлады Ғылым және жоғары білім министрлігінің ресми сайты. Министр бұдан бөлек ғылыми қызметкерлердің жалақысы 2 есе өскені және іргелі зерттеу жұмыстарымен айналысатын ҒЗИ-ды тікелей қаржыландыру мәселесі жөнінде баяндаған. Сондай-ақ «алдағы 3 жылда ғылыми жұмыстарды қаржыландыру 3,5 есеге артады», – депті.

Мемлекет басшысы Ғылым және жоғары білім министрі Саясат Нұрбекті қабылдады  — Қазақстан Республикасы Президентінің ресми сайты

Біз шағын мақаламызға арқау етіп отырған бұл кездесуде бірнеше жағымды жаңалықтар айтылыпты. Солардың қатарында студенттер мен магистранттардың стипендиясын кезең-кезеңмен өсіру мәселесі, алдағы 7 жыл ішінде жыл сайын 10000 орындық жатақхана дайындау секілді жаңалықтар қарастырылған екен. Сондай-ақ «15 өңірлік және 5 педагогикалық ЖОО базасында ғылымды әкімшілендірудің жаңа моделін енгізу және академиялық басымдық орталықтарын құру мәселесі пысықталып жатыр» екен. Кездесу соңында Мемлекет басшысы министрге жуық арада ғылымды әкімшілендірудің жаңа моделіне көшу қажеттігі туралы тапсырма беріпті. Бұл өз кезегінде Президентіміздің ғылым саласына айрықша назар аударып отырғандығының бір көрінісі дер едік.

Ерқазы СЕЙТҚАЛИ
16.03.2023

Ұқсас жаңалықтар

МЕРЕКЕМЕН ҚҰТТЫҚТАП БАРДЫ
Жамбыл ауданы әкімдігі - 02.03.2024 59
Жастары үшін берері мол
Жомарт Зұлпыхар - 02.03.2024 46
ҮСТЕЛ ТЕННИСІНЕН ЖАРЫС ӨТТІ
Сарысу ауданы әкімдігі - 02.03.2024 20
САУРАНДА «ЖІБЕК ЖОЛЫНЫҢ ЖАУҺАРЫ» АТТЫ РЕСПУБЛИКАЛЫҚ АҚЫНДАР АЙТЫСЫ ӨТТІ
Түркістан облысы әкімінің баспасөз қызметі - 02.03.2024 15
Түркістан облысына сапар
Нұржан Нұржігітов, ҚР Су ресурстары және ирригация министрі - 02.03.2024 35
КӘСІПКЕРЛІКТІҢ ДАМУЫ - ЕЛДІҢ ДАМУЫ
Сарысу ауданы әкімдігі - 02.03.2024 60
Баянды бастамалар жылы – Берік Уәлимен сұхбат
Автор Гүлнұр Ғазизқызы, «ҚазАқпарат» Халықаралық ақпарат агенттігі - 28.12.2023 1158
ШЫМКЕНТТЕ 3 ЖЫЛДА 472 КӨШЕ ЖАРЫҚТАНДЫРЫЛДЫ
Шымкент қаласы әкімінің баспасөз қызметі - 25.07.2023 3016

Топ жаңалықтар

1
Желтоқсан батырлары—саяси қуғын-сүргін құрбандарының бірі
Show more
Сұхбаттасқан Шаргүл Қасымханқызы - 2023-06-02 6570
2
Өркенді қала-қуатты өңірге жетелейді
Show more
Дахан Шөкшир - 2023-06-02 5882
3
Оразай би ҚОЖАГЕЛДІҰЛЫ. Әшімжанның әкесі.
Show more
Жанарбек Әшімжан ФБ парақшасынан - 2023-06-01 6131
4
Қарағандыда саяси қуғын-сүргін және ашаршылық құрбандарын еске алу күні өтті
Show more
- 2023-06-01 5964
5
Өміріңді сақтандыр, өкінбейсің!
Show more
Тілеуберді САХАБА, Павлодар облысы - 2023-05-31 5830