Елімізде тұрақтылықты, этносаралық келісімді қамтамсыз ету мемлекеттік саясаттың маңызды басымдықтарының бірі. Осы мақсатта Қордай ауданында этносаралық келісім мен бірлікті нығайтуға бағытталған кешенді шаралар жоспары жасақталып, 30 қаңтар мен 7 ақпан аралығында түрлі бағыттағы іс-шаралар ұйымдастыралатын болады.
Аудандағы этнос өкілдері көп шоғырланған Қарасай, Масаншы, Қарасу, Сортөбе, Бұлар батыр (ауылы)және Ауқатты ауылдық округтерінің түрлі санаттағы тұрғындары арасында 34 іс-шара өткізіп, 10 мыңға жуық ауыл азаматтарын қамту жоспарлануда.
Кешенді жоспардағы шаралар елдегі бейбітшілік пен келісімнің маңызын ұғындыруға, мемлекеттік тіл мен ұлттық құндылықтарға құрметпен қарауға, патриотизм мен азаматтың ұстанымды қалыптастыруға, отбасындағы қыз бен ұл тәрбиесін нығайтуға бағытталған. Мәселен жоба аясында тұрғындардың отансүйгіштігі мен рухын көтеру мақсатында «Елінің ерен тұлғасы» айдарымен ауылдан шыққан тумалардың мұрасын насихаттау шарасы, «Мен қазақша сөйлеймін» тақырыбында Масаншы, Сортөбе ауылдарындағы мектеп директорлары мен балабақша меңгерушілері арасындағы байқау, Жастар арасындағы қазақтың ұлттық ойындарынан Масаншы, Қарасу, Степной, Сарыбұлақ, Қайнар, Қарасай, Жамбыл ауылдары жастарының арасында «Достық» спартакиадасы, «Жастарға дұрыс бағыт беру, аға ұрпақтың борышы» тақырыбында Қордай ауданының жастарымен діни ағымдар турасында кездесулер ұйымдастырылатын болады.
Бүгін жоспарға сәйкес алғашқы шаралар қатары өтіп, Қордай ауданының 95 жылдық мерейтойына басымдық берілді.
