Zakon.kz: «YDD Corporation және Asia FerroAlloys (бұрынғы Qaz Carbon) компанияларының акционерлері Ерлан Нығматулин мен Давид Кемертелидзе «Қазақстан халқына» қоғамдық әлеуметтік қорына 1 миллиард теңге аударды», – деп хабарлайды. Қазақстан президенті Қасым-Жомарт Тоқаевтың «Қазақстан халқына» қоғамдық әлеуметтік қорын құру туралы бастамасын қолдай отырып, YDD Corporation және Asia FerroAlloys компаниясының демеушілері Ерлан Нығматулин мен Давид Кемертелидзе қаржысы әлеуметтік жобаларға, ең алдымен денсаулық сақтау мен білім салаларына арналатын осы қорға 1 миллиард теңге аударуға шешім қабылдады. Өздерінің іс-әрекеті әу бастан қазақстандықтарды әлеуметтік жағынан қолдау маңызды болып табылатын компания үшін бұл бағыт алдағы уақытта да басымдыққа ие болып қала береді.
