Қызыл алаңдағы қисынсыз сөз

Қызыл алаңдағы қисынсыз сөз

Путиннің Украина жайындағы уәжі шындықтан алшақ. Оның сөздері айтуға адам ұялатын қып-қызыл өтірікке, әлімжеттікпен белден басуға, жұрттың көзін бақырайтып қойып бұра тартуға, ежелден келе жатқан шовинистік сасық пиғылға құрылған. Оның жалған сөйлеуден өзге жолы қалмағандай.

Мамырдың 9-ында Мәскеудің қызыл алаңында болған әскери шеруде дүниежүзі алдында баяғы қисынсыз сөзін тағы да қайталады. Оның айтуынша, Ресейдің ақпанның 24-інде Украинаға басып кіріп, алдын ала соққы беруі дұрыс шешім болыпты. Егер бұлай етпесе, АҚШ пен НАТО елдері Ресейге қауіп төндіргендей екен. «Украинаны Ресейге қарсы соғыс ашуға сол үшін дайындаған» деп соқты.

Соғыс бастағалы бері Ресей қисынға келмейтін небір өтірікті боратып келеді. «Украин халқын ұлтшылдар мен бандеревшілдерден қорғаймыз» дегені адам иланарлық сөз бе?

Алайда Ресейдің көпшілік орыстары осы сөзге иланып қалған. Расында өздері осыған иланғысы келеді. Илануға бейім тұрады. Путиннің соғысты тоқтатпауын, бүкіл әлемді басып алуын іштей тілейді. Бұны өздері ашық айтып жүр. «Біз бастаған жоқпыз соғысты, біз соғысуға мәжбүр болып отырмыз» деп ауыздары қисаңдатады.

Ресейдің орыстарын қоялық, біздің орыстардікі не жорық десеңші! Мысалы төменде «Настоящее время. Азия» радиосы түсірген бейнесюжеттен алынған екі адамның фотосына назар аударалық. Оларға «Қазіргі соғысқа кім кінәлі? Ресей ме, әлде Украина ма?» деген сұрақ қойылған. Екеудің жоғарысындағы астаналық (нұр-сұлтандық) мосқал орыс бұл сұраққа былайша жауап береді. «Егер көршің сенің бақшаңа келіп, «бұл менің бақшам, мен бұған картоп егем» десе не істейсің? Қуып жібересің ғой. Ресей де солай істеп отыр. Ресейдің әрекеті заңды және дұрыс деп есептеймін!» дейді. Оның ойынша, Украина Ресейдің жекеменшік бақшасы екен. Украин жеріне жергілікті украин адамының картоп егуі қылмыспен тең көрінеді.

Ал төмендегі әйел (ол да нұр-сұлтандық): «Фашизмді жою керек. Бұл (соғыс) мәжбүрліктен (амалдың жоқтығынан) болып жатыр» деп, Ресейдің басқыншылығын ақтап алып тұр. Оның сөзінде де Украина фашизмнің ұясы деген түсінік аңғарылады.

Ресей басшысының арам пиғылына дем беріп отырған кремль насихатшыларының бықсығы саналарына әбден орнығып қалғанын осыдан-ақ көруге болады.

Ал қадірлі оқырман, сіз қалай ойлайсыз, Украина жерінде болып жатқан соғысқа кім кінәлі? Ресей ме, әлде Украина ма?

Нұрлыбек Саматұлы
19.05.2022

Ұқсас жаңалықтар

Аудан әкімі ардагер спортшыларды марапаттады
Талас аудан әкімдігі - 06.07.2022 33
АУЫЛАРАЛЫҚ ТУРНИР ӨТТІ
Жамбыл ауданы - 06.07.2022 27
164 түлек ауылға жолдама алды
Сейсен ҚОЖЕКЕ. Меркі ауданы. - 06.07.2022 21
Ардагер аяқдопшылар алтыннан алқа тақты
Нарбол ҚАШАҒАН, журналист. Талас ауданы. - 06.07.2022 21
Әділ Қазақстан: Әлібидің азабы
Анықтама жасаған – Абзал Құспан, заңгер - 30.06.2022 182
Абылай хан туралы ащы щыңдық
Самат ӨТЕНИЯЗОВ, Мадрид және әл-Фараби атындағы ҚазҰУ профессоры, т.ғ.к. - 30.06.2022 189

Топ жаңалықтар

1
«Алтынордалықтардың» алтыншы қойылымы
Show more
Ләззат ҚАЖЫМОВА, БҚО Орал қаласы - 2022-07-06 101
2
Оң баға берілді
Show more
Ләззат ҚАЖЫМОВА БҚО Орал қаласы - 2022-07-06 73
3
Еңбектенемін деген жасқа мүмкіндік мол
Show more
Ләззат ҚАЖЫМОВА БҚО Орал қаласы - 2022-07-06 72
4
Дәстүрлі спартакиада
Show more
Ләззат ҚАЖЫМОВА БҚО Орал қаласы - 2022-07-06 73
5
Басты мақсат – жас спортшылар қатарын көбейту
Show more
Ләззат ҚАЖЫМОВА БҚО Орал қаласы - 2022-07-06 69