Салық төлемесең, көлігің тәркіленеді

Бұдан былай жеке такси қызметін көрсететін жүргізушілер кәсіпкер ретінде тіркеліп салық төлемесе, көлігі тәркіленеді. Сондықтан мемлекеттік кірістер комитеті тасымалдаумен айналысатын азаматтар міндетті түрде жеке кәсіпкер болып тіркелуі тиіс деп міндеттеп отыр. Әкімшілік құқық бұзу туралы кодекстің 463-бабына сәйкес кәсіпкерлік қызметпен тиісті тіркеусіз айналысу жеке тұлғаларға 15 АЕК мөлшерінде, қайталап бұзған кезде – 30 АЕК мөлшерінде айыппұл салуға әкеп соғады. Сондай-ақ, әкімшілік құқық бұзу жасаған заттары мен құралдары тәркіленеді.