Қырғызстан астанасы Бішкек қаласында самбодан әлемдік чемпионат аяқталды. Онда 21 медаль комплектісі (7-еуі – ерлер, 7-еуі – әйелдер арасында және жауынгерлік самбодан) сарапқа салынды. Аталған чемпионатқа тұңғыш рет босқындар командасы қатысты. Солардың бірі Мария Амьюлина Гедес (Венесуэла тумасы, Францияда босқын мәртебесін алған) 54 келіде чемпион атанды. Ресей мен белорус самбошылары FIAS шешімі бойынша бейтарап мәртебеде өнер көрсетті. Орыстар 13 алтын медаль ұтып алса, белорус командасы 1 алтын еншіледі. Биылғы жылы чемпионат географиясының ауқымы да кеңейді. Байрақты бәсекеде босқындар мен бейтарап спортшылардан басқа Қырғызстан, Грузия, Моңғолия, Түрікменстан, Израиль балуандары жеңіске жетсе, медаль жағынан география ауқымы бұдан да кең. Енді чемпионат жеңімпаздары жайлы айтсақ
Спорттық самбо (әйелдер): 50 кг. Мария Амьюлина Гедес (босқындар командасы); 54 кг. Алена Купава (FIAS); 59 кг. Светлана Уварова (FIAS); 65 кг. Карина Черевань (FIAS); 72 кг. Олеся Посылкина (FIAS); 80 кг. Дарья Речкалова (FIAS); 80 кг-ден жоғары. Елене Кебадзе (Грузия).
Ерлер: 58 кг. Саян Хертек (FIAS); 64 кг. Мухаммет Коссеков (Түрікменстан); 71 кг. Шамиль Зилфикаров (FIAS); 79 кг. Станислав Скрябин (FIAS); 88 кг. Сергей Рябов (FIAS); 98 кг. Антон Коновалов (FIAS); 98 келіден жоғары. Бекболот Токтогонов (Қырғызстан).
Жауынгерлік самбо (ерлер): 58 кг. Баяндуурен Гантимур (Монголия); 64 кг. Шейх-Мансур Хабибулаев (FIAS); 71 кг. Тариэль Аббасов (Израиль); 79 кг. Дайырбек Карьяев (Қырғызстан); 88 кг. Саид Саидов (FIAS); 98 кг. Виктор Немков (FIAS); 98 келіден жоғары. Сослан Джанаев (FIAS).
Қазақстандық балуандар 3 күміс, 7 қола медаль жеңіп алды. Нәтижесінде жалпы есепте 9-орынға жайғасты. Жарыстың үшінші күнінде жауынгерлік самбодан 71 келіге дейінгі салмақта Әсет Анарбаев финалға шығып, израильдік Тариэль Аббасовқа есе жіберді. Ал 88 келіде Айбек Саметаев жартылай финалда сүрініп, қоланы қағанат тұтты. Тағы бір қоланы әйелдер арасында Арайлым Әбенова (80 келіден жоғары) алды. Бұған дейін 12 қарашада Ділдәш Құрышбаева (72 келі), Арнұр Қуатай (71 келі) мен Мирас Уәлиев (58 келі) қола жүлдегер атанды. Ал 11 қарашада Қайырберді Айдынбай (58 келі) мен Асылбек Смайылов (79 келі) күміс жүлдегер болса, Гүлдана Әлмұхамбетова (54 келі), Райхан Мәди (98 келі) үздік үштікті түйіндеді.
