«Қайырымдылық жасасаң, қайырын өзің көресің», – дейді қазақ.
Жоқ-жітікке қарасу, жылағанды жұбату, сүрінгенді сүйеу, мұқтаждардың талған өзегіне талғажау табу – халқымыздың бойында ежелден қалыптасқан қасиет.
Жаңа жыл қарсаңында ауданда сауапты істер қарқын алуда.
Ауданда қайырымдылық шараларға ат салысып, елдің алғысына бөленіп жүрген «Сарысу Аманат» қайырымдылық қоры да Жаңа жыл қарсаңында осынау ізгілікке толы шарадан тыс қалмауда.
Бүгін Жаңатас көпсалалы колледжінде «Сарысу Аманат» қайырымдылық қорының ұйымдастыруымен қайырымдылық шарасы өтіп, Жаңатас қаласындағы 120 қоғамдық жұмысшыларға жаңа жылдық сыйлықтар табысталды.
