Тараздағы №59 мекемесінің қызметкерлері негізгі жұмыстарынан бөлек салауатты өмір салтын насихаттауды да қолға алған.
Қылмыстық-атқару жүйесі қызметінің мамандары жұртшылықты спортпен шұғылдануға шақырумен қатар, өздері де халыққа үлгі болуда. Бұған – қала ішінде өтетін түрлі спорттық іс-шараларға белсенді қатысулары дәлел.
Дені саудың – жаны сау. Сондықтан, Жамбыл облысы бойынша ҚАЖ департаментіне қарасты №59 мекемесінің басшы құрамы мен қызметкерлері өз алдарына әрдайым жақсы физикалық формада болу үшін спорттық шаралар тұрақты,кестеге сай ұйымдастырып келеді.
Спортқа бой түзеген қызметкерлерімізге қолдау бар. Волейбол, футбол және қызметтік дайындық бойынша іс-шаралар кестеге сай ұйымдастырылады.
Мекемеде қоян-қолтық ұрысын үйрететін маман да қарастырылған. Мекемеде сонымен қатар, жазасын өтеушілер арасында да спорттық іс-шаралар жиі өткізіліп тұрады. Яғни, мекеме қызметкерлері ғана емес, жазасын өтеушілер де салауатты өмір салтын ұстана алады.
