Орал қаласында бұқаралық спортты дамыту мақсатында түрлі іс-шаралар ұйымдастырылуда.
Соның бірі – мемлекеттік қызметшілер арасындағы «Салауатты өмір салты – ғасыр ұраны» атты қалалық спартакиада. Спорттық шараның ашылу салтанатына Орал қалалық мәслихатының төрағасы Е.Қалиев, Орал қаласы әкімі аппаратының басшысы Е.Тұрмағамбетов, Зашаған кентінің әкімі А.Әубекеров, Орал қаласы дене шынықтыру және спорт бөлімінің басшысы А.Исанов, жарыстың бас төрешісі, «Орал» спорт клубының директоры О.Гилымов қатысты. Құттықтау сөз алған қонақтар командаларға сәттілік тіледі.
Бұл турнирге «Тұрғын үй-коммуналдық шаруашылығы», «Құрылысшы», «Әкім аппараты және мәслихат», «Әлеуметтік блог» командалары қатысып, өзара сайысқа түсуде. Жарыстың алғашқы күнінде футзалдан «ТҮКШ» командасы жеңіске жетсе, шахматтан «Әлеуметтік блог» ойыншылары басқалардан басым түсті. Ал үстел теннисінде қалалық әкім аппараты және мәслихат қызметкерлері үздік ойын көрсетті. Жеңімпаздарды марапаттау рәсімі алдағы ақпан айының 7-жұлдызында қаладағы демалыс орындарының бірі – «Арқанды саябақта» өтетін болады.
Ләззат ҚАЖЫМОВА,
БҚО, Орал қаласы
