Шығыс Қазақстан облысына газ қашан жетеді? Бұл сұраққа жауап берген ҚР Энергетика министрі Мағзұм Мырзағалиев: «ШҚО-ға газ тарту жақын уақытта жоспарда жоқ. Бірақ аталған мәселе біздің министрліктің күн тәртібінде бар және оны Ресеймен бірлесіп шешу қарастырылып отыр. Аталған өңірді газдандыруды көрші Ресейдің ресурсы есебінен шешуге болады. Ол үшін бөлек газ құбырын тарту қажет. Зайсан ауданын газдандыру жұмысы 2013-2014 жылдары басталды. Газ құбырын тарту жоспарына сай 9 елдімекенге газ жеткізілді. Бүгінде жұмыс жалғасып жатыр», – деп хабарлады.
