Тараз қаласының әкімі болып өткен жылдың мамыр айында тағайындалған Ержан Жылқыбаев әлеуметтік желіде.: «Кейбір жағдайлар адамның қалауы мен ұмтылысынан гөрі күштірек болады. Бұл табиғат пен қоғамның объективті заңы. Бүгін мен қасиетті Әулиеата жеріндегі қызметімді тоқтататынымды хабарлаймын. Өткен бір жарым жыл ішінде айтарлықтай жұмыс атқарылды. Халықтың өзі баға береді. Ең бастысы – біздің жоспарларымыздың әрқайсысында қоғам пікірі ескерілді. Біз Президентіміз Қасым-Жомарт Тоқаевтың «халық үніне құлақ асатын мемлекет» тұжырымдамасын барынша жүзеге асыруға тырыстық», – деп жазды. Ержан Жылқыбаев 1982 жылы Леңгір қаласында дүниеге келген. Жоғары білімді М. Әуезов атындағы Оңтүстік Қазақстан университетінің «экономист-менеджер» мамандығы бойынша білім алды. Аманжолов атындағы Шығыс Қазақстан мемлекеттік университетінде заң мамандығын меңгерген. Президент жанындағы мемлекеттік басқару академиясының мемлекеттік және жергілікті басқару магистрі дәрежесі бар.
