Кеше Жамбыл облысы Кәсіпкерлер палатасының алаңында облыс әкімінің орынбасары Қ.Қ.Мәдібек төрағалығымен "Туризм, сауда және қызмет көрсету" кеңесінің кезекті отырысы өтті.
Отырыста, Жамбыл туристік индустрия қауымдастығының өкілі В. Батуева - Шу ауданының аумағында орналасқан археология ескерткіші - Баласағұн қалашығына(VI-XIII ғғ.) қатысты проблемалық мәселені көтерді, онда лайықты инфрақұрылымның болмауына байланысты туристердің археология ескерткішіне баруы қиын екендігін айтып өтті.
Сондай-ақ, Тараз қаласында жастар туризмін дамыту барысында, Орал қаласы мысалында, балалар мен жасөспірімдер туризмі станциясының жоқтығы туралы мәселені айтып өтті.
"Қаралма" ЖШС директоры Б.Т. Махатова туристік нысан – "Тобышақты" этноауылын құру мәселесін көтерді, ол кешеннің асыл тастарының біріне айналуы мүмкін екендігін, сондай-ақ, оны Жуалы ауданында – облысымыздың ең әдемі жерлерінің бірі, тау шаңғысы базасымен қатар жүзеге асыруға болатынын ұсынды.
Отырыс қорытындысы бойынша барлық проблемалық мәселелер облыс әкімінің орынбасары хаттамасына енгізіліп, салалық ЖАО-ға проблемалық сұрақтарды шешу бойынша ұсыныс беру туралы тапсырма берілді.
***
